Book Name:اِنَّا لِلّٰہ Parhnay Ki Barkatein
صبر کا گھونٹ پیتے ہوئے ، اِنَّا لِلّٰہ وَاِنَّااِلَیْہِ رَاجِعُوْن پڑھنے کی عادَت بنا لیجئے !
چراغ بجھنے پر اِنَّا لِلّٰہ پڑھا
حضرت عکرمہ رَضِیَ اللہ عنہ سے مروی ہے کہ ایک مرتبہ رات کا وقت تھا ، پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم بھی تشریف فرما تھے ، اچانک چراغ بجھ گیا ، اس پر آپ صلّی اللہ ُ عَلَیْہِ وَ آلِہٖ وَسَلَّم نے پڑھا : اِنَّا لِلّٰہ وَ اِنَّا اِلَیْہِ رَاجِعُوْن ۔ میں نے عرض کیا : کیا یہ بھی مصیبت ہے ؟ فرمایا : ہر وہ چیز جو مؤمن کو تکلیف پہنچائے ، وہ مصیبت ہے اور اس پر اَجْر دیا جاتا ہے۔ ( [1] )
سُبْحٰنَ اللہ ! معلوم ہوا؛ ہر چھوٹی بڑی تکلیف پر اِنّا لِلّٰہ ِ وَ اِنَّااِلَیْہِ رَاجِعُوْن پڑھ کر ثواب کمایا جا سکتا ہے۔ مزید اس حدیثِ پاک سے یہ دَرْس بھی ملتا ہے کہ اگر اچانک بجلی ( Electricity ) بند ہو جائے تو اس پر بھی ہمیں صبر ہی کرنا چاہئے ، ہمارے ہاں عموماً بجلی بند ہو جانے پر بڑی بےصبری کا اِظْہار کیا جاتا ہے ، لوگ نہ جانے کیا کیا اَوْل فَوْل بولتے ہیں ، بعض نادان تو مَعَاذَ اللہ ! بجلی فراہم کرنے والے اداروں کو گالیاں تک دے ڈالتے ہیں ، اللہ پاک ہمارے حال پر رحم فرمائے۔ صبر کرنا چاہئے ، اگر اچانک بجلی بند ہو جانے پر بھی اِنَّا لِلّٰہ پڑھیں گے تو اِنْ شَآءَ اللہ الْکَرِیْم ! ثواب نصیب ہو گا۔
جُوتے کا تسمہ ٹوٹنے پر انَّا لِلّٰہ پڑھئے !
پیارے اسلامی بھائیو ! اگر کبھی راہ چلتے چلتے اچانک جوتا ٹوٹ جائے تو اس پر بھی صبر کیجئے اور اِنَّا لِلّٰہ پڑھ کر ثواب کمائیے۔ صحابئ رسول حضرت ابوہریرہ رَضِیَ اللہ عنہ سے روایت ہے ، سرکارِ عالی وقار ، مکی مدنی تاجدار صلّی اللہ ُ عَلَیْہِ وَ آلِہٖ وَسَلَّم نے فرمایا : جب تم میں سے کسی کے