کاذِہن بھی بن جائے گا ، نیکیوں میں دِل بھی لگ جائے گا اور اللہ پاک نے چاہا تو دُنیا اور آخرت سَنْور جائے گی۔ اللہ پاک ہمیں اِنَّا لِلّٰہ وَ اِنَّا اِلَیْہِ رَاجِعُوْن سے ملنے والے ان اسباق کو ذِہن میں بٹھانے ، معنیٰ پر تَوَجُّہ رکھ کر اسے پڑھنے اور اس پر عَمَل کرنے کی توفیق عطا فرمائے۔ آمِیْن بِجَاہِ خَاتَمِ النَّبِیّٖن صلی اللہ عَلَیْہِ وَ آلِہٖ وَسَلَّم ۔

12 دینی کاموں میں سے ایک دینی کام : ہفتہ وار اِجْتِماع

پیارے اسلامی بھائیو !  دِل میں عشق مدینہ بڑھانے ، یادِ مدینہ ، ذِکْرِ مدینہ کرنے ، گُنَاہوں اور فضولیات سے بچنے ، اچھی ، بامقصد ، سنتوں بھری اور نیکیوں والی زندگی گزارنے کے لئے عاشقانِ رسول کی دینی تحریک دعوتِ اسلامی کے دینی ماحول سے وابستہ ہو جائیے اور 12 دینی کاموں میں بھی خوب حِصَّہ لیجئے ، اِنْ شَآءَ اللہ الْکَرِیْم ! دُنیا اور آخرت میں اس کی بےشُمار برکتیں نصیب ہوں گی۔ دعوتِ اسلامی کے 12 دینی کاموں میں سے ایک کام ہے : ہفتہ وار اِجْتِماع۔

الحمد للہ ! ہر جمعرات کو دعوتِ اسلامی کا ہفتہ وار سنتوں بھرا اِجْتِماع ہوتا ہے ، جس میں تِلاوت ، نعت ، بیان ، ذِکْر اور دُعا ہوتی ہے اور آخر میں سیکھنے سکھانے کے حلقے بھی لگائے جاتے ہیں ، یُوں ہفتہ وار اِجْتماع کے ذریعے نیکیاں کمانے اور عِلْمِ دین حاصِل کرنے کا خوب موقع ملتا ہے۔

 * آپ سے التجاء ہے * آپ بھی ہفتہ وار اجتماع میں پابندی کے ساتھ شرکت کیا کیجئے !   * دِینی اجتماع میں بیٹھنے اور ذِکْر کرنے والوں کی اپنی تو کیا شان ہو گی ! حدیثِ پاک کے مطابق جو ان کے پاس بیٹھ جائے ، وہ بھی بدبخت نہیں رہتا۔  ^{( [1] )}