په يو بَل روايت کښې داسې دي چې حضور سيد عالم صَلَّى اللهُ عَلَيْهِ وَاٰلِهٖ وَسَلَّم جومات ته داخليدو وخت کښې دا اِرشاد اُوفرمائيلو: په تاسو کښې د چا دا خبره خوښه ده چې الله پاک هغه د دوزخ د ګرمئ نه اوساتي؟ مونږه عرض اوکړو: يا رسول الله صَلَّى اللهُ عَلَيْهِ وَاٰلِهٖ وَسَلَّم! په مونږ کښې هر يو دا خوښوي چې الله پاک يـې د دوزخ د ګرمئ نه بچ کړي. نو هغوئي صَلَّى اللهُ عَلَيْهِ وَاٰلِهٖ وَسَلَّم ارشاد اوفرمائيلو: څوک چې لاس تنګي له مهلت ورکړي يا د هغه قرض معاف کړي الله پاک به هغه د دوزخ د ګرمئ نه محفوظه کړي. ^([1]) په يو بَل روايت کښې يـې اوفرمائيل: څوک چې د خپل مقروض پريشاني لرې کړي يا د هغه قرض معاف کړي نو هغه به د قيامت په ورځ د عرش په سوري کښې وي. ^([2])

د خوږ مصطفٰے کريم صَلَّى اللهُ عَلَيْهِ وَاٰلِهٖ وَسَلَّم فرمان مبارک دے: د قيامت په ورځ د عرش په سوري کښې ځائے موندلو والا وړومبے کَس به هغه وي څوک چې لاس تنګي له دومره مهلت ورکړي چې هغه د قرض ورکولو جوګه [يعنې قابل] شي يا خپل قرض په هغه باندې صدقه کړي او اووائي: زما چې په تا باندې څومره قرض دے هغه د الله پاک د رضا د پاره صدقه ده او د قرض رسيد اوشلوي. ^([3])

سُبْحٰنَ اللہ! الله پاک دې مونږ ته داسې توفيق راعطا کړي! که مونږ په زړۀ کښې خير خواهي پيدا کړو نو اِنْ شَآءَ اللہُ الْکَرِیم! د دِين او دُنيا د ډيرو زياتو خيرونو حقدار به شو.

مِلا ہے زَرْ تو غریبوں کے کام بھی آؤ!                                                      نہ جس سے خِدْمتِ مخلوق ہو وہ دولت کیا ہے؟

صَـــلُّـــوْا  عَـــلَـی   الْــحَـــبِــيْــب!            صَـلَّـی اللهُ   تَعالٰـی عَلـٰی   مُـحَـمَّد