Book Name:Khuda Ko Razi Karne Wale Kaam
منهنجي زيارت ڪندو رُھ، ڇوته مان توکان پري ناهيان.[1]
عبادت میں گزرے مِری زندگانی کرم ہو کرم یاخدا! یاالٰہی! ([2])
صَلُّوْا عَلَی الْحَبِیْب! صَلَّی اللہُ عَلٰی مُحَمَّد
پيارا اسلامي ڀائرو! اهي ماڻهو جيڪي نماز ۾ صفون سِڌيون ڪندا آهن، انهن جي باري ۾ به ارشاد ٿيو ته الله پاڪ انهن کي ڏسي ڪري مُسڪرائيندو آهي.
افسوس جي ڳالھ آهي ته اڄڪلھ هن معاملي ۾ به گهڻي سُسُتي ڪئي ويندي آهي، عام طور امام صاحب جماعت بيهڻ کان پهريان اعلان ڪندو آهي ته پنهنجون ڀيڏيون، گردن ۽ ڪلها ڪلهن سان ملائي صف سڌي ڪري ڇڏيندا! ان جي باوجود کوڙ ماڻهو امام صاحب جي اعلان تي توجھ ئي ناهي ڏيندا ۽ صفون سِڌيون ناهن ڪندا.
پيارا اسلامي ڀائرو! ياد رکو! نماز ۾ صفون سڌيون نه ڪرڻ ڪا معمولي ڳالھ ناهي، ان جا جيڪي نقصان حديثن ۾ بيان ٿيا آهن، تمام سخت آهن. * صفون صحيح نه ڪرڻ واجب جو ترڪ، ناجائز ۽ گناھ آهي.[3] * صف درست نه ڪرڻ سان نماز اڌوري رهجي ويندي آهي.[4] * صف درست نه ڪرڻ نماز ۾ وسوسا اچڻ جو سبب آهي، حديث پاڪ ۾ آهي: خالي جاءِ ڀريو! ڇوته شيطان توهان جي وچ ۾ گهيٽي جي ٻچي جيان گهڙي ويندو آهي.[5] * صف سڌي نه ڪرڻ سبب چهرو بگڙجي وڃڻ جو خوف آهي، حضرت ابو امامه رَضِىَ اللهُ عَنْهُ کان روايت آهي، رسولِ ڪريم صَلَّى اللّٰهُ عَلَيۡهِ واٰلِهٖ وَسَلَّم فرمايو: ضرور توهان صفون سِڌيون ڪندؤ يا توهان جون شڪلون بگاڙيون وينديون يا اکيون ڪڍيون وينديون.[6]
* صفون صحيح نه ڪرڻ رحمت کان دوري جو سبب آهي، حديث پاڪ ۾ آهي: جيڪو صف ٽوڙي، الله پاڪ ان کي ٽوڙي،
هن حديث جي حوالي سان فيض القدير ۾ آهي: يعني الله پاڪ ان کي ثواب ۽ رحمت کان پري ڪري ڇڏيندو آهي يا اُن کي وڌيڪ نيڪي جي توفيق ناهي ملندي.[7]
الله اڪبر! پيارا اسلامي ڀائرو! غور فرمايو! هي ڪيترو اهم معاملو آهي، ان جو اثر اسان جي
[1] حلیۃ الاولیاء، جلد:7، صفحہ:77 بتغیر۔
[2]...وسائلِ بخشش، صفحہ:105۔
[3] عمدة القاری، کتاب الأذان، باب تسویۃ الصفوف ...الخ،جلد:4، صفحہ:354، تحت الحدیث:718ماخوذًا ۔
[4] مرآۃ المناجیح،جلد:2، صفحہ:183ملخصاً۔
[5] مسند امام احمد، مسند الانصار،جلد:9، صفحہ:198، حدیث:22901۔
[6] مسند امام احمد، مسند الانصار،جلد:9، صفحہ:188، حدیث:22861۔
[7] فیض القدیر،جلد:6، صفحہ:306، حدیث:9076۔