اوچت والے، د اخلاقو پاکوالے، د الله پاک قُرب او د آخرت کاميابي، بيلې خبرې دي، د الله پاک پۀ نزد څوک ډير خوښ دے؟ خان که نوکر، دا مونږ ته نه ده معلومه * د دې تعلق د پيسو سره نه دے * د دې تعلق د دنيائي حيثيت سره نه دے * د دې تعلق د غټې کُرسۍ سره نه دے * د دې تعلق د تقویٰ او پرهيزګارۍ سره دے. الله پاک فرمائي:

اِنَّ اَكْرَمَكُمْ عِنْدَ اللّٰهِ اَتْقٰىكُمْؕ- (پارہ:26، سورۂ حجرات:13)

ترجمهٴ کنزُ العِرفان: بے شکه د الله پۀ نزد پۀ تاسو کښې زيات عِزَّت والا هغۀ دے څوک چې پۀ تاسو کښې زيات پرهيزګار دے. 

 ځکه مونږ له پکار دي چې عاجزي اختيار کړو، د هر چا سره نيک سلوک کوو، پخوا به پۀ پيسو باندې اخستے شوي غلامان وو، اوس هٰغه ماحول خو نشته، البته خادمان خو وي، نوکران خو اوس هم پۀ کورونو، دکانونو او دفترونو وغيره کښې ساتلے کيږي، مونږ له پکار دي چي دوئي کمتر نه ګڼو او د تکبر پۀ آفت کښې نه اخته کيږو، د دوئي سره هم نيک سلوک کوو.

فخر و غُرور سے تُو مولیٰ مجھے بچانا                                                                                یا ربّ! مجھے بنا دے پیکر تُو عاجزی کا^)[1](

صَـــلُّـــوْا  عَـــلَـی   الْــحَـــبِــيْــب!            صَـلَّـی اللهُ   تَعالٰـی عَلـٰی   مُـحَـمَّد

د رحمت او جنَّت موندلو نُسخه

پۀ حديثِ پاک کښې دي: د نبيانو نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم فرمائيلي دي: درې خبرې چې پۀ چا کښې وي، الله پاک به پۀ هغۀ باندې رحمت هم فرمائي او هغۀ به جنَّت ته هم داخلوي. (هٰغه درې عادتونه کوم کوم دي؟): (1): پۀ کمزوري باندې نرمي کول (يعنې څوک چې پۀ جسماني لحاظ سره کمزورے دے، مثلاً * بوډا دے * معذوره دے