اپنے ساتھیوں سمیت افسردہ و غمگین ہے۔

اے عاشقانِ رسول ! الحمد للہ! الحمد للہ! ماہِ مبارک، ماہِ نُور، یعنی ماہِ رَبِیْعُ الْاَوَّل کی آمد آمد ہے۔ اللہ پاک ہمیں اِس مُبارَک مہینے کی برکتیں نصیب فرمائے*ہم بھی جشنِ وِلادت کی خوشی میں چراغاں کریں*گھر سجائیں*گلیاں سجائیں*خوب تلاوتِ قرآن کریں*دُرودِ پاک کی کثرت کریں*ذِکْرِ مَحْبُوب  کی محفلیں سجائیں*گُنَاہوں سے بچتے ہوئے*شریعت کے دائرے میں رہ کر خُوب دُھوم دَھام سے میلاد منائیں*یہ سب اِخْلاص کے ساتھ*اللہ و رسول کی رضا کیلئے کریں گے تو اِنْ شَآءَ اللہُ الْکَریْم! دِین و دُنیا کی بےشمار برکتیں نصیب ہوں گی۔ اللہ پاک توفیق نصیب فرمائے۔ آمِیْن بِجَاہِ خَاتَمِ النَّبِیّٖن صَلَّی اللہُ عَلَیْہِ وَ آلِہٖ وَ سَلَّم  ۔

نور کی پُھوہار برسی چار سُو ہے روشنی                                        ہو گیا گھر گھر چَراغاں عیدِمیلادُالنَّبی

غنچے چٹکے، پھول مہکے ہر طرف آئی بہار                  ہو گئی صبحِ بہاراں عیدِمیلادُالنَّبی

ہم نہ کیوں روشن کریں گھر گھر دِیے مِیلاد کے                                               خود کرے جب حق چَراغاں عیدِمیلادُالنَّبی^([1])

(2):خَتْمِ نبوت پر اَہْلِ کتاب کی گواہی

پیارے اسلامی بھائیو!  2روایات جو ہم نے سُنیں، ان دونوں روایتوں میں اُس وقت کے اَہْلِ کتاب (یعنی پچھلی آسمانی کتابوں کو ماننے والوں) نے یہ گواہی دی ہے کہ دُنیا میں جتنے نبی تشریف لانے تھے، سب لا چکے، صِرْف ایک احمد نبی صَلَّی اللہُ عَلَیْہِ وَ آلِہٖ وَ سَلَّم رہتے ہیں، جو آج ختم نبوت کا تاج سجائے تشریف لا رہے ہیں۔

شہِ انبیا ہے، خُدا کا ہے پیارا                                                                    وہ نبیوں میں سُن لو! نبی آخری ہے

مُحَمَّد ہے اَحْمَد، ہے سُلطانِ بطحا                                              وہ نبیوں میں سُن لو! نبی آخری ہے