Book Name:Akhri Nabi Tashreef Le Aye
ہی ہیں جن کی ابھی وِلادت نہیں ہوئی(یہ ستارہ نشانی ہے کہ آج اُن کی وِلادت کی رات ہے)۔ ([1])
شادِی رچی ہوئی ہے، بجتے ہیں شادیانے دولہا بنا وہ دولہا صبحِ شبِ وِلادت
عرشِ عظیم جھومے، کعبہ زمین چومے آتا ہے عرش والا صبحِ شبِ وِلادت
ہشیار ہوں بھکاری، نزدیک ہے سُواری یہ کہہ رہا ہے ڈنکا، صبحِ شبِ ولادت([2])
*-*-*-*
مُحَمَّدِ مصطفےٰ! سب سے آخری نبی! احمدِ مجتبیٰ! سب سے آخری نبی!
آمنہ کا لاڈلا! سب سے آخری نبی! شاہِ ہر دوسرا! سب سے آخری نبی!
تاجدارِ انبیا! سب سے آخری نبی! ہیں حبیبِ کبریا! سب سے آخری نبی! ([3])
صَلُّوْا عَلَی الْحَبِیْب! صَلَّی اللہُ عَلٰی مُحَمَّد
پیارے اسلامی بھائیو! یہ 2 رو ایا ت میں نے عرض کیں، ان سے 2باتیں سیکھنے کو ملتی ہیں؛
(1):شبِ وِلادت محافِلِ ذِکْرِ مصطفےٰ
پہلی بات یہ کہ جس رات پیارے آقا، مکی مَدَنی مصطفےٰ صَلَّی اللہُ عَلَیْہِ وَ آلِہٖ وَ سَلَّم تشریف لائے، ایسا نہیں ہے کہ اُس رات انسانوں میں آپ کی آمد کا چرچا نہیں تھا، ویسے تو الحمد للہ!*پُوری کائنات میں خُوشیاں ہی خوشیاں تھیں*ستارے جھک رہے تھے*کعبہ جھوم رہا تھا*فرشتے مبارک بادیاں لے کر حاضِر ہو رہے تھے*عرش و فرش پر دُھوم ہی دُھوم تھی، اعلیٰ حضرت رَحمۃُ اللہِ عَلَیْہ کہتے ہیں نا:
عرش پہ تازہ چھیڑ چھاڑ، فرش میں طرفہ دُھوم دھام کان جدھر لگائیے! تیری ہی داستان ہے([4])