ڈال دے...!!^([1]) 

صَلُّوْا عَلَی الْحَبِیْبِ!                                               صَلَّی اللہُ عَلٰی مُحَمَّد

نعتِ مصطفےٰ  صَلَّی اللہُ عَلَیْہِ وَ آلِہٖ وَ سَلَّم مت چھپاؤ...!

پیارے اسلامی بھائیو! پچھلی آسمانی کِتَابوں میں پیارے اور آخری نبی، رسولِ ہاشمی صَلَّی اللہُ عَلَیْہِ وَ آلِہٖ وَ سَلَّم کا ذِکْرِ خیر کیا گیا ، اس کے ساتھ ساتھ اَہْلِ کتاب کو یہ حکم بھی دیا گیا تھا کہ تم ہمارے محبوب صَلَّی اللہُ عَلَیْہِ وَ آلِہٖ وَ سَلَّم کے اس ذِکْر کو کبھی مت چھپانا بلکہ اس کا چرچا کرتے رہنا۔ چنانچہ پارہ:1،  سورۂ بقرۃ، آیت: 42 میں اللہ پاک نے بنی اسرائیل کو فرمایا:

وَ لَا تَلْبِسُوا الْحَقَّ بِالْبَاطِلِ وَ تَكْتُمُوا الْحَقَّ وَ اَنْتُمْ تَعْلَمُوْنَ(۴۲) (پارہ:1،البقرۃ:42)

تَرجَمہ کَنْزُ الْعِرْفان:اور حق کو باطل کے ساتھ نہ ملاؤ اورجان بوجھ کر حق نہ چھپاؤ۔

اس آیتِ کریمہ میں بنی اسرائیل کو 2باتوں سے منع کیا گیا ہے: (1): حق کو باطِل سے ملانا نہیں ہےاور (2): حق کو چھپانا نہیں ہے۔

آیتِ کریمہ میں 2 مرتبہ لفظِ حق استعمال ہوا ہے، اس جگہ حق سے کیا مراد ہے؟ اس کی وضاحت کرتے ہوئے مُفَسِّرِینِ کِرَام فرماتے ہیں: نَعْتُ مُحَمَّدٍ (صَلَّی اللہُ عَلَیْہِ وَ آلِہٖ وَ سَلَّم) فِی التَّوْرَاۃِ یعنی اس جگہ حق سے مراد حُضُور جانِ کائنات، فخرِ موجودات صَلَّی اللہُ عَلَیْہِ وَ آلِہٖ وَ سَلَّم کی وہ نعتِ پاک ہے، جو اللہ پاک نے تورات شریف میں نازِل فرمائی۔^([2]) لہٰذا بنی اسرائیل کو حکم دیا گیا کہ اے تورات پر ایمان رکھنے کا دعویٰ کرنے والو!*ہم نے تورات شریف میں