Book Name:Har Makan Ka Ojalah Hamara Nabi
الله پاک فرمائي:
فَكَیْفَ اِذَا جِئْنَا مِنْ كُلِّ اُمَّةٍۭ بِشَهِیْدٍ وَّ جِئْنَا بِكَ عَلٰى هٰۤؤُلَآءِ شَهِیْدًاﳳ(۴۱) (پارہ:5، سورۂ نساء:41)
ترجمهٴ کنزُ العِرفان: نو څنګه حال به وي چې کله به مونږه د هر اُمَّت نه يو ګواه راولو او اے حبيبه! تا به پۀ هغو ټولو ګواه او نګهبان جوړ کړے راولو ۔
دا د قيامت د ورځې يو منظر وړاندې کولے شي۔ پۀ روايتونو کښې دي: د قيامت ورځ به وي، ټول وړاندې وروستو [تير شوي خلق] به د رَبِّ قَهَّار پۀ حُضُور کښې حاضِر وي، الله! الله! دا د عدل ورځ ده، د کامِل انصاف ورځ ده، پۀ دې ورځ به د هيچا سره د ذرې برابر بے انصافي نه کيږي۔ نو پۀ دې ورځ باندې به د انبيائے کرامو علَيهِمُ السَّلام نه هم پوښتنه کيږي، د هغوئي د اُمَّتونو نه به هم پوښتنه کولے شي۔ د انبيائے کرامو علَيهِمُ السَّلام نه به پوښتنه کيږي: آيا تاسو خلقو ته زما پيغام ورسولو؟ انبيائے کرام علَيهِمُ السَّلام به عرض کوي: آؤ! کريم مالکه! تا چې کوم پيغام مونږ ته ارشاد کړو، مونږ خلقو ته هغۀ ټول ورسولو۔ بيا به د هغوئي د اُمَّتيانو نه پوښتنه وکړے شي: آيا نبيانو تاسو ته زما پيغام رسولے وو؟
د دې باوجود چې انبيائے کرامو علَيهِمُ السَّلام پيغام رسولے وو خو غير مسلمه کوم چې نن ډير پۀ دعوې سره د نبيانو نه انکار کوي، پۀ هٰغه ورځ به د رَبّ پۀ حُضُور کښې منکر شي، صفا به وه وائي: اے الله پاکه! مونږ ته خو هډو څوک راغلے نه وو، چا راته هډو څۀ وئيلي نه وو۔
دلته به د انبيائے کرامو علَيهِمُ السَّلام او د هغوئي د اُمَّتيانو پۀ مينځ کښي اختلاف پيدا شي۔ انبيائے کرامو علَيهِمُ السَّلام ته به ارشاد وشي، خپل ګواه پيش کړئ!
سُبْحٰنَ اللہ! دا د دواړو جهانونو د رحمت صَلَّى اللهُ عَلَيْهِ وَاٰلِهٖ وَسَلَّم فيضان دے چې پۀ تيرو اُمَّتونو