*مَحْبُوب صَلَّی اللہُ عَلَیْہِ وَ آلِہٖ وَسَلَّم نے چاہا اَہْلِ مکہ پر قحط آئے، قحط آ گیا *مَحْبُوب صَلَّی اللہُ عَلَیْہِ وَ آلِہٖ وَسَلَّم نے چاہا حضرت عمر اِسلام قُبُول کریں، حالانکہ وہ ننگی تلوار لےکر پیارے نبی صَلَّی اللہُ عَلَیْہِ وَ آلِہٖ وَسَلَّم کو مَعَاذَ اللہ! شہید کرنے چلے تھے، رَبِّ رحمٰن نے ان کا دِل پھیر دیا، آئے تھے تکلیف پہنچانے، غُلام بن گئے *مَحْبُوب صَلَّی اللہُ عَلَیْہِ وَ آلِہٖ وَسَلَّم نے چاہا بدر میں فتح نصیب ہو، رَبّ کریم نے فِرشتے نازِل فرما دئیے *مَحْبُوب صَلَّی اللہُ عَلَیْہِ وَ آلِہٖ وَسَلَّم نے چاہا دُور دُور تک کے قبائل تک اِسلام کا پیغام پہنچے، اللہ پاک نے صلح حدیبیہ کا موقع عطا فرمایا، اس کے ذریعے اِسلام کا پیغام دُور دُور تک جانے لگا *مَحْبُوب صَلَّی اللہُ عَلَیْہِ وَ آلِہٖ وَسَلَّم نے چاہا مکہ فتح ہو جائے، مکہ فتح ہو گیا *مَحْبُوب صَلَّی اللہُ عَلَیْہِ وَ آلِہٖ وَسَلَّم کو فِکْر تھی کہ اِسْلام سارے دِینوں پر غالِب آجائے، الله پاک نے فرمایا:

لِیُظْهِرَهٗ عَلَى الدِّیْنِ كُلِّهٖۙ-وَ لَوْ كَرِهَ الْمُشْرِكُوْنَ(۳۳) (پارہ:10، التوبۃ33)

ترجمہ کنزالایمان : تاکہ اسے تمام دینوں پر غالِب کردے اگرچہ مشرک ناپسند کریں۔

اُمّت پر عنایات

حدیث کی کتابوں میں ایسی بہت ساری حدیثیں ملتی ہیں، مثلاً *آپ صَلَّی اللہُ عَلَیْہِ وَ آلِہٖ وَسَلَّم نے فرمایا: اگر میری اُمّت پر بھاری نہ ہوتا تو ہر نماز کے لئے مسواک کرنے کا حکم دیتا *فرمایا: اگر میری اُمّت پر بھاری نہ ہوتا تو عشا کی نماز کو رات کے تیسرے پہر  تک مؤخر کرنے کا حکم دیتا۔^([1]) *تراوِیح سے متعلق فرمایا: کہیں تم پر یہ فرض نہ ہو جائے، لہٰذا مسجد میں باجماعت تراوِیح ادا کرنا بند کر دی۔^([2])