اَدَمَ يَوْمَ الْقِيَامَةِ يعنې د قيامت پۀ ورځ به د حضرت آدم عَلَیْهِ السَّلَام د ټول اولاد سردار زۀ يم۔ ^([1])       * پۀ يو روايت کښې يـې وفرمائيل: * اَنَا اَوَّلُهُمْ ‌خُرُوجًا د قيامت پۀ ورځ به د ټولو نه مخکښې هُم زۀ د قبرِ انور نه بهر تشريف راوړم * وَ اَنَا قَائِدُهُمْ اِذَا وَفَدُوْا چې کله ټول پۀ بارګاهِ اِلٰہی کښې راجمع وي، زۀ به د ټولو پيشوا يم * وَ اَنَا خَطِيبُهُمْ اِذَا أَنْصَتُوْا چې کله ټول خاموشه وي، زۀ به د هغوئي خطيب يم * وَ اَنَا مُسْتَشْفِعُهُمْ اِذَا حُبِسُوْا چې کله هغوئي ايسار کړے شي (حساب به نه شروع کيږي)، هُم زۀ به د هغوئي شفاعت کووم * وَ اَنَا مُبَشِّرُهُمْ اِذَا اَيِسُوْا چې کله ټول مايوسه شي، هُم زۀ به هغوئي له زيرے ورکووم  * الْكَرَامَةُ وَالْمَفَاتِيحُ يَوْمَئِذٍ بِيَدِي پۀ هٰغه ورځ باندې به بزرګي او عزت هم زما وي، د جنَّت کُنجيانې به زما پۀ لاس کښې وي * وَ اَنَا اَكْرَمُ وَلَدِ اَدَمَ عَلَى رَبِّي او زما د رَبِّ کريم پۀ بارګاه کښې به د آدم [عَلَیْهِ السَّلَام] پۀ ټول اولاد کښې زيات عزت هم زما وي * او بيا يـې وفرمائيل: پۀ هٰغه ورځ باندې به پۀ زرګونو خادمان زما ګير چاپيره وي، داسې به ښکاري لکه چې خورې ورې سپينې پړقيدونکې ملغلرې دي۔ ^([2])  * پۀ حديثِ پاک کښې يـې وفرمائيل: بِيَدِي لِوَاءُ الْحَمْدِ د قيامت پۀ ورځ باندې به د حمد جنډا زما پۀ لاس کښې وي ‌تَحْتِي ‌اَدَمُ ‌فَمَنْ ‌دُونَهٗ د حضرت آدم عَلَیْهِ السَّلَام او د هغوئي ټول اولاد (که هغۀ نبيان وي، که رسولان، که وليان وي، که عام مسلمانان وي، ټول پۀ ټوله مخلوق) به زما د جنډې لاندې وي۔ ^([3])