تھیں^([1])*منقول ہے : جب امام حَسَن بَصْری رَحمۃُ اللہِ عَلَیْہ کی والدہ محترمہ کسی کام میں مَصْرُوف ہوتیں اور آپ رونے لگتے تو اُمُّ الْمُؤْمِنِین حضرت اُمِّ سلمہ رَضِیَ اللہُ عنہا فرطِ محبّت میں آپ کو چُپ کروانے کے لئے اپنا دُودھ پلا دیا کرتی تھیں^([2])*عُلَما فرماتے ہیں: اُمُّ الْمُؤْمِنِیْن حضرت اُمِّ سلمہ رَضِیَ اللہُ عنہا کے واسطے سے امام حَسَن بَصْری رَحمۃُ اللہِ عَلَیْہ کو سرکارِ عالی وقار، مکی مدنی تاجدار صَلَّی اللہُ عَلَیْہِ وَ آلِہٖ وَ سَلَّم   کا فیضان نصیب ہوا، اسی کی برکت تھی کہ آپ کو بےمثال عِلْم، عَمَل، تقویٰ نصیب ہوا، آپ کی زبان پر حکمت کی باتیں جاری ہوتیں اور آپ مَعْرِفَت اِلٰہی (یعنی اللہ پاک کی پہچان حاصِل کرنے ) میں بلند مقام پر فائِز ہوئے۔^([3])

امام علی بن حُسَین (یعنی امام  زین ُالعابِدِین رَضِیَ اللہُ عَنْہ) کو ایک مرتبہ امام حَسَن بَصْری رَحمۃُ اللہِ عَلَیْہ کا ایک فرمان سُنایا گیا،امام زینُ العابدین رَضِیَ اللہُ عنہ نے فرمایا:سُبْحٰنَ اللہِ! ہٰذَا کَلَامُ الصِّدِّیق یہ تو کسی صِدِّیق  کی گفتگو ہے۔^([4])صِدِّیق  وِلایت کا سب سے اُونچا رُتبہ ہے، یعنی امام حسن بصری رَحمۃُ اللہِ عَلَیْہ وِلایَت میں صِدِّیقیت کے درجے پر فائِز تھے*رَجَبُ المُرَجَّب 110 ہجری میں آپ کا وِصَال ہوا، بوقتِ وصال آپ کی عمر مبارک 88 سال تھی۔ بصرہ میں نمازِ جمعہ کے بعد آپ کی نمازِ جنازہ ادا کی گئی جس میں کثیر لوگ شریک ہوئے ۔^([5])

آئیے! امام حَسَن بصری رَحمۃُ اللہِ عَلَیْہ  کی ایک خُوبصُورت نصیحت سُنتے ہیں:

ایک اَنْمول نصیحت

ایک مرتبہ  امام حسن بصری رَحمۃُ اللہِ عَلَیْہ ایک جنازے میں شریک ہوئے،میّت کو