جہاں کے شُغل میں شاغل خدا کے ذکر سے غافل کرے   دعویٰ  کہ   یہ  دنیا   ترا   دائم  ٹھکانہ   ہے

غلامؔ اِک  دم  نہ کر  غفلت   حیاتی   پر نہ  ہو  غُرّہ     خدا کی یاد  کر   ہر   دم  کہ   جس   نے  کام آنا ہے

تجھے حُسنِ ظاہر نے دھوکے میں ڈالا!

مسلمانوں کے پہلے خلیفہ حضرت اَبُوبکر صِدِّیق رَضِیَ اللہُ عنہ  اپنے خطبے میں ارشاد فرمایا کرتے تھے: *کہاں ہیں وہ خوب صورت چہروں والے جو اپنی جوانیوں پر اِترایا کرتے تھے؟*کہاں ہیں وہ بادشاہ جنہوں نے شہر بنائے اور مضبوط دیواروں کے ذریعے ان کومحفوظ کیا؟*کہاں ہیں وہ سپہ سالار(Commander) جو میدانِ جنگ میں کامیابیاں سمیٹا کرتے تھے! وقت انہیں زمین میں گاڑچکا ہے، وہ اب قبر کے تنگ اور اندھیرے گڑھے میں جاپڑے ہیں ، جلدی کرو! جلدی کرو! پھر نَجات ہے،  پھر نجات ہے۔^([1])

یہی تجھ کو دُھن ہے رہوں سب سے بالا                ہو زینت نرالی ہو فیشن نرالا

جیا کرتا ہے کیا یونہی مرنے والا                                                          تجھے حُسنِ ظاہر نے دھوکے میں ڈالا

جگہ جی لگانے کی دنیا نہیں ہے                                                                 یہ عبرت کی جا ہے تماشا نہیں ہے

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

موت کا کوئی بھروسہ نہیں

پیارے اسلامی بھائیو! موت کا واقعی کوئی بھروسہ نہیں، نجانے کب آجائے، اس لئے نیکیاں کمانے میں جلدی کیجئے! ایک لمحہ بھی ضائع کئے بغیر زیادہ سے زیادہ نیک اَعْمال کا ذخیرہ کرتے چلے جائیے کہ آخرت کے لئے جتنی بھی نیکیاں کر لی جائیں، کم ہی ہیں۔ حدیثِ پاک