Book Name:Bagh Walon Ka Waqiya
ہم اِس دُنیا میں مالِک نہیں، محتاج ہیں، اپنی اِس محتاجی کو دِل و جان سےتسلیم کر لینا بندگی کی حقیقت ہے، جب بندہ دِل کی گہرائی سے یہ تسلیم کر لیتا ہے کہ مَیں محتاج اور بےبس بندہ ہوں ، تب اُس پر لُطف و کرم کے دروازے کھول دئیے جاتے ہیں۔
یہی وہ حقیقت ہے کہ جس کا اِظْہار کرتےہوئے بندہ کہتا ہے :
اِیَّاكَ نَعْبُدُ وَ اِیَّاكَ نَسْتَعِیْنُؕ(۴) ( پارہ : 1 ، الفاتحہ : 4 )
تَرْجَمَۂ کَنْزُالْعِرْفَان:ہم تیری ہی عبادت کرتے ہیں اور تجھ ہی سے مدد چاہتے ہیں ۔
*یعنی مولیٰ ! میرے پاس ہاتھ تو ہیں، تُو نے ہی عطا فرمائے ہیں مگر تیری مدد ہو گی تو ہی میں ہاتھ چلا پاؤں گا *مولیٰ ! میرے پاس پاؤں ہیں، تُو نے ہی دئیے ہیں، میں اِن سے چل نہیں سکتا، تیری مدد ہو گی تَو چل پاؤں گا *مولیٰ ! میرے پاس عقل بھی ہے *دِل میں جذبات بھی ہیں *بازوؤں میں طاقت بھی ہے *مال و دولت بھی ہے *عُہدہ بھی ہے *منصب بھی ہے *سب کچھ ہے ، تُو نے ہی دیا ہے مگر میں لمحہ لمحہ تیری مدد کا محتاج ہوں ، تیری مدد نہ ہو تو میں ایک تِنکا بھی نہیں توڑ سکتا، لہٰذا اے مالِکِ کریم ! تُو مالِک ہے، تُو ہی تمام جہانوں کا ربّ ہے، میں تجھ ہی سے مدد چاہتا ہوں۔
میں ہوں بندہ وہ مولیٰ! کون ہے اپنا اس کے سِوا
میں ہوں اس کا وہ ہے مِرا جس نے بنایا اور پالا
لَآ اِلٰہَ اِلَّا اللہ اٰمَنَّا بِرَسُوْلِ الله([1])
(2):بچوں کو سخاوت سکھائیے!
پیارے اسلامی بھائیو! باغ والوں کے قرآنی واقعہ میں مزید غور کیجئے! اِس میں تَوَکُّل و