عمل کا ہو جذبہ عطا یاالٰہی!                                                                                        گُناہوں سے مجھ کو بچا یاالٰہی!

میں پانچوں نَمازیں پڑھوں باجماعت                                   ہو توفیق ایسی عطا یاالٰہی!

میں پڑھتا رَہوں سنّتیں، وقْت ہی پر                                         ہوں     سارے     نوافِل     ادا     یاالٰہی!^([1])

(2):رمضان شریف میں گُنَاہوں سےبچتے رہئے!

پیارے اسلامی بھائیو! کامیابی پانے کے لئے دوسرا نُسخہ جو دیا گیا، ارشاد ہوا:

وَ اعْبُدُوْا رَبَّكُمْ  (پارہ:17، الحج:77)

تَرْجَمَۂ کَنْزُالْعِرْفَان: اور اپنے ربّ کی عبادت کرو

یعنی اے ایمان والو! اللہ پاک کی عِبَادت اِخْلاص کے ساتھ کرو! نیکیاں بھی کرو! اور گُنَاہوں سے بھی بچتے رہو...!!

اگر ہم ماہِ رمضان کامیابی کے ساتھ گزارنا چاہتے ہیں تو اِس نسخے پر بھی عَمَل کرنا ہے۔

ایک مہینا اللہ کے لئے...!!

حدیثِ پاک میں ہے: اللہ پاک نے تمہارے لئے 11 مہینے رکھے ہیں، اِن میں کھاؤ! پیو! لذّت اُٹھاؤ! مگر ایک مہینا اپنے لئے خاص فرمایا ہے فَاتَّقُوْا شَہْرَ رَمضَانَ فَاِنَّہٗ شَہْرُ اللہ یعنی ماہِ رَمضَان کے معاملے میں ڈرو! بےشک یہ اللہ پاک کا مہینا ہے۔^([2])

آ گیا رَمضاں عبادت پر کمر اب باندھ لو

فیض لے لو جلد یہ دِن تیس کا مہمان ہے

بھائیو بہنو! کرو سب نیکیوں پر نیکیاں