اُسے 60 ہزار نیکیاں ملیں گی، جنّت میں 40 درخت لگیں گے اور 40 جنّتی محلَّات عطا ہوں گے، یہ ابھی صِرْف سجدوں کی نیکیاں ہیں، قیام، رکوع اور نمازِ تراویح میں قرآنِ کریم سننے، اتنی دیر مسجد میں رہنے وغیرہ کا ثواب اِس کے عِلاوہ ہے *جو 8 رکعت تراویح پڑھ کر گھروں کو چلے جاتے ہیں، وہ گویا 36 ہزار نیکیوں، 24 جنّتی محلات اور 24 جنّتی درختوں سے محروم رہتے ہیں اور *جو 12 رکعت پڑھ کر تھک جاتے ہیں، وہ 24 ہزار نیکیوں، 16 جنّتی محلات اور 16 جنتی درختوں سے محروم رہتےہیں، یہ ابھی حدیثِ پاک میں بیان کی گئی تعداد کے مُطَابِق ظاہری گنتی ہے، رحمتِ الٰہی کی وُسْعت پر نگاہ رکھی جائے تو پوری 20 رکعت نمازِ تراویح پڑھنے والوں کی خوش نصیبی اور اَدھوری تراویح پڑھ کر لوٹ جانے والوں کی محرومیوں کا اندازہ لگانا ممکن ہی نہیں ہے۔ اس لئے ہمیں چاہئے کہ ماہِ رمضان میں نمازوں کی خُوب کثرت کریں، 20کی 20 تراوِیح پابندی کے ساتھ پڑھتے رہیں۔

بھائیو! بہنو! کرو سب نیکیوں پر نیکیاں

پڑ گئے دوزَخ پہ تالے، قید میں شیطان ہے

بھائیو! بہنو! گُنَاہوں سے سبھی توبہ کرو

خُلد    کے     دَر     کھل     گئے     ہیں،      داخِلہ      آسان      ہے^([1])

ماہِ رمضان اور نوافِل کی کَثْرت

پیارے اسلامی بھائیو! 5فرض نمازوں اور نمازِ تراوِیح کے عِلاوہ نفل نمازوں کی بھی کثرت کرنی چاہئے۔ رَمضان شریف میں بہت سارے نوافِل پڑھنا بہت آسان ہو جاتا