وڃي ان ڀلائيءَ جي دروازي ۾ داخل ٿي وڃي، فَاِنَّہٗ لَا یَدْرِیْ مَتیٰ یُغْلَقُ عَلَیْہِ   ڇاڪاڻ ته هو نه ٿو ڄاڻي ته اهو دروازو ڪڏهن بند ڪيو ويندو.^([1]) 

پيارا اسلامي ڀائرو! * هاڻي اسين زندهه آهيون، اهو ڀلائيءَ جو دروازو آهي * ساهه هلي رهيا آهن، اهو به ڀلائيءَ جو دروازو آهي * اسان کي نيڪيءَ جي دعوت ڏني وئي، هي به ڀلائيءَ جو دروازو آهي * دل ۾ نيڪيءَ جو خيال آيو، هي به ڀلائيءَ جو دروازو آهي. تنهنڪري اسان کي گهرجي ته ڊوڙي وڃي ان دروازي ۾ داخل ٿي وڃون، يعني فوراً کان اڳ ۾ نيڪي ڪري وٺون، ٿوري دير بعد، سڀاڻي يا ٻئي ڏينهن تي نه رکون، ڪهڙي خبر! ڪهڙي وقت اها توفيق کسجي وڃي.

دنياوي ڪم ۾ دير ڪرڻ سٺو  آهي

اسان وٽ هڪ اهو به معاملو آهي ته اسان دنيا جي ڪم کي اڳتي ۽ آخرت جي ڪم کي پوئتي رکندا آهيون. جيڪڏهن ان جي ابتڙ ڪيون ته اِنْ شَآءَ اللہُ الْکَرِیْم! دنيا به سنورجي ويندي ۽ آخرت به سنورجي ويندي. حديث پاڪ ۾ آهي: اطمينان هر شيءِ ۾ آهي، سواءِ آخرت جي ڪم جي.  

يعني دنياوي ڪم ۾ دير لڳائڻ سٺو آهي ڇو جو ممڪن آهي ته اهو ڪم خراب هجي ۽ دير لڳائڻ ۾ ان جي خرابي معلوم ٿي وڃي ۽ اسان ان کان باز رهون، پر آخرت جو ڪم ته سٺو ئي سٺو آهي ان کي موقعو (Chance) ملندي ئي ڪري ڇڏيو، جو دير لڳائڻ ۾ شايد موقعو وڃائجي وڃي. الله پاڪ فرمائي ٿو:

فَاسۡتَبِقُوا الۡخَیۡرٰتِ ؕ؃

(پارو 2 سوره بقره 148)

ترجموڪنزالعرفان: پوءِ تون نيڪين ۾ اڳتي نڪري وڃ.

شيطان نيڪ ڪم ۾ دير ڪرائي آخر ۾ ان کان روڪي ڇڏيندو آهي.^([2]) 

نيڪ ڪم سڀاڻي لاءِ  نه رکو...!!

پيارا اسلامي ڀائرو! افسوس جي ڳالهه آهي ته اسان دنيا جي هر ڪم ۾ چستي