سفید بال ہی ان کو نصیحت کے لئے کافِی ہو گیا ، آپ نے اس سے عبرت پکڑی ، نصیحت حاصِل کی اور عِبَادت میں مَصْرُوف ہو گئے۔

آہ ! ہم پر غفلت  ( Heedlessness ) طارِی رہتی ہے ، ہم نصیحت نہیں لیتے ، ہم نگاہِ عِبْرت سے محروم ہیں۔ کائنات کا ذَرَّہ ذَرَّہ ہمیں پیغامِ فنا دے رہا ہے ، یہ اُٹھتے جنازے ، قبرستان کی بڑھتی آبادی ، ڈھلتی جوانی ، یہ گزرتے دِن ، ڈھلتی چاندنی ، ان سب میں عِبْرت ہے ، یہ سب چیزیں ہمیں بتا رہی ہیں کہ اے غافِل انسان ! موت آنے والی ہے۔

دل ہائے گناہوں سے بیزار نہیں ہوتا             مغلوب شہا ! نفسِ بدکار نہیں ہوتا

گو لاکھ کروں کوشش اِصلاح نہیں ہوتی                        پاکیزہ گناہوں سے کِردار نہیں ہوتا

یہ سانس کی مالا اب بس ٹوٹنے والی ہے           دل آہ ! مگر اب بھی بیدار نہیں ہوتا  ^{( [1] )}

صَلُّوا عَلَی الْحَبیب !                                                صَلَّی اللّٰہُ عَلٰی مُحَمَّد

عِبْرت لینے کی ترغیب

اے عاشقانِ رسول ! قرآنِ کریم نے ہمیں جگہ جگہ عِبْرت لینے کی ترغیب دِلائی ہے۔ پارہ : 18 ، سورۂ نُور ، آیت : 44 میں اللہ پاک فرماتا ہے :

یُقَلِّبُ اللّٰهُ الَّیْلَ وَ النَّهَارَؕ-اِنَّ فِیْ ذٰلِكَ لَعِبْرَةً لِّاُولِی الْاَبْصَارِ(۴۴)   ( پارہ : 18 ، سورۂ نور : 44 )

ترجَمہ کنز العرفان : اللہ رات اور دن کو تبدیل فرماتا ہے ، بیشک اس میں  آنکھ والوں  کے لئے سمجھنے کا مقام ہے۔

 پارہ : 30 ، سورۂ نازِعات میں فِرْعَوْن اور اس کے لشکر  ( Army ) کے غرق ہونے کا