ذیلی حلقے کے 12 دینی کاموں میں سے ایک کام : علاقائی دورہ

پیارے اسلامی بھائیو ! الحمد للہ ! دعوتِ اسلامی زندگیاں بدلنے والی تحریک ہے ، آپ بھی عاشقانِ رسول کی اس دینی تحریک کے ساتھ وابستہ ہو جائیے ، ذیلی حلقے کے 12 دینی کاموں میں بڑھ چڑھ کر حِصَّہ لیجئے ! اِنْ شَآءَ اللہ الْکَرِیْم ! دین و دُنیا کی بےشمار بھلائیاں نصیب ہوں گی ، ذیلی حلقے کے 12 دینی کاموں میں سے ایک دینی کام علاقائی دورہ بھی ہے * حدیثِ پاک کا خُلاصہ ہے : جو قدم راہِ خُدا میں خاک آلود ہوں ، انہیں جہنّم کی آگ نہیں چھوئے گی ^{( [1] )}  * نیکی کی دعوت دینے ، بُرائی سے منع کرنے کے لئے گھر سے نکلنا بھی راہِ خُدا میں نکلنا ہے * ہمارے پیارے آقا ، مکی مدنی مصطفےٰ صَلّی اللہ عَلَیْہِ وَآلِہٖ وَسَلَّم نیکی کی دعوت دینے کے لئے بازاروں میں تشریف لے جاتے * مختلف قبائل میں جا کر بھی نیکی کی دعوت دیاکرتے تھے * دعوتِ اسلامی والے عاشقانِ رسول بھی اس پیاری ادا کو اداکرنے کوشش کرتے ہیں * گھر گھر ، دُکان دُکان جا کر نیکی کی دعوت پیش کی جاتی ہے * لوگوں کو مسجد میں آنےکی دَعْوت دی جاتی ہے * نمازوں کی ترغیب دِلائی جاتی ہے * ہم اسے علاقائی دورہ کہتے ہیں * آپ بھی عاشقانِ رسول کے ساتھ مل کر علاقائی دَوْرہ کیا کیجئے ! اِنْ شَآءَ اللہ الْکَرِیْم ! * سُنّتِ انبیا پر عَمَل کی سعادت ملے گی * نیکی کی دَعْوَت عام کرنے کا ثواب ملے گا * حدیثِ پاک کے مطابق نیکی کی راہ دکھانے والا ، نیکی کرنے والے جیسا ہے ^{( [2] )}  * اگر ہماری نیکی کی دعوت سے ایک شخص بھی نیک نمازی بن گیا تو یقین مانیئے ! وارے ہی نیارے ہو جائیں گےاِنْ شَآءَ اللہ الْکَرِیْم ! ڈھیروں ڈ ھیر  ثواب ملے گا۔