نُور کی خیرات بانٹنے والے

اللہ پاک کے آخری نبی ، مکی مدنی صَلَّی اللہ عَلَیْہِ وَ آلِہٖ وَ سَلَّم نُور بلکہ قاسِمِ نُور  ( یعنی نُور بانٹنے والے )  ہیں۔صحابئ رسول حضرت کعب بن زُہیر رَضِیَ اللہ عنہ فرماتے ہیں : اِنَّ الرَّسُوْلَ لَنُوْرٌ یُسْتَضَاُ بِہٖ بےشک رسول اللہ صَلَّی اللہ عَلَیْہِ وَ آلِہٖ وَ سَلَّم ایسے نُور ہیں جن سے روشنی حاصِل کی جاتی ہے۔ ^{( [1] )}

حضرت اُسید بن ابو ایاس رَضِیَ اللہ عنہ فرماتے ہیں : نُور والے آقا ، رسولِ خُدا ، اَحْمَدِ مجتبیٰ صَلَّی اللہ عَلَیْہِ وَ آلِہٖ وَ سَلَّم نے ایک بار میرے چہرے اور سینے پر اپنا پُرنُور ہاتھ شریف پھیر دیا ، اس کی برکت یہ ظاہِر ہوئی کہ میں جب بھی کسی اندھیرے گھر میں داخِل ہوتا وہ گھر روشن ہو جاتا۔ ^{( [2] )}

چمک تجھ سے پاتے ہیں سب پانے والے              مرا دِل بھی چمکا دے چمکانے والے

برستا نہیں دیکھ کر ابرِ رحمت                                                                                      بدوں پر بھی برسا دے برسانے والے ^{( [3] )}

خیال رہے ! ہمارے آقا ومولیٰ ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم نُور بھی ہیں اور بشر بھی ہیں ، قرآنِ کریم اور اَحادیثِ کریمہ سے یہ دونوں باتیں ہی ثابِت ( Proven )  ہیں۔

پیارے آقا کے پیارے نام

پیارے اسلامی بھائیو ! پچھلی آسمانی کتابوں میں رسولِ اکرم ، نورِ مُجَسَّم صَلَّی اللہ عَلَیْہِ وَ آلِہٖ وَ سَلَّم کے بہت سارے پیارے پیارے نام بھی ذِکْر کئے گئے تھے۔ آئیے ! چند مبارک نام سنتے ہیں :

اُمَّت کو جہنّم سے بچانے والے

 * پچھلی آسمانی کتابوں میں آپ کا ایک نام ہے : اَجِیْر  ( یعنی اُمَّت کو جہنّم سے بچانے