معرفت  ( یعنی پہچان )  کا کیا مطلب ہے ؟ حضرت عبد اللہ بن سلام رَضِیَ اللہ عنہ نے کہا : اے عمر ( رَضِیَ اللہ عنہ  ) ! میں نے حُضُورِ اکرم ، نورِ مُجَسَّم صَلَّی اللہ عَلَیْہِ وَ آلِہٖ وَ سَلَّم کو دیکھا تو بغیر کسی شک و شُبہ کے فوراً پہچان لیا اور میرا حُضُورِ اَنْور صَلَّی اللہ عَلَیْہِ وَ آلِہٖ وَ سَلَّم کو پہچاننا اپنے بیٹوں کو پہچاننے سے زیادہ کامِل و مکمل تھا۔ فاروقِ اعظم رَضِیَ اللہ عنہ نے پوچھا : وہ کیسے ؟ کہا : نبیوں کے سردار ، مکی مدنی تاجدار صَلَّی اللہ عَلَیْہِ وَ آلِہٖ وَ سَلَّم کے اَوْصاف ( Traits / Characteristics )  ہماری کتاب تورات میں اللہ پاک نے بیان کئے ہیں  ( اس لئے میں آپ صَلَّی اللہ عَلَیْہِ وَ آلِہٖ وَ سَلَّم کو پختہ یقین کے ساتھ پہچانتاہوں )  جبکہ بیٹے کو بیٹا سمجھنا تو صِرْف عورتوں کے کہنے سے ہے۔  حضرت عمر فاروقِ اعظم رَضِیَ اللہ عنہ نے جب یہ بات سُنی تو جوشِ محبّت سے حضرت عبد اللہ بن سلام رَضِیَ اللہ عنہ کا ماتھا چُوم لیا۔ ^{( [1] )}

حَیّ بَاقِی جس کی کرتا ہے ثنا                                                                                        مرتے دَم تک اس کی مِدْحت کیجئے !

جس کا حُسْن اللہ کو بھی بھا گیا                                                                                     ایسے   پیارے     سے     محبّت    کیجئے !  ^{( [2] )}

صَلُّوْا عَلَی الْحَبِیْبِ !                                                صَلَّی اللہ عَلٰی مُحَمَّد

ایمان سے روک دینے والی باطنی بیماری

پیارے اسلامی بھائیو ! یہاں ضمنی طَور پر ایک بات سمجھ لیتے ہیں ، ہو سکتا ہے  ذہن میں سوال اُٹھ رہا ہو کہ جب پچھلی آسمانی کتابوں میں آخری نبی ، رسولِ ہاشمی صَلَّی اللہ عَلَیْہِ وَ آلِہٖ وَ سَلَّم کا اتنی تفصیل کے ساتھ ذِکْرِ خیر موجود تھا تو اَہْلِ کتاب نے آپ کو دیکھتے ہی اِیْمان قبول کیوں نہیں کیا... ؟ جب وہ آپ صَلَّی اللہ عَلَیْہِ وَ آلِہٖ وَ سَلَّم کو جانتے بھی تھے ، پہچانتے بھی تھے ،