بلکہ خُود نُور والے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم نے اپنا نُور ہونا بیان فرمایا ہے۔ چنانچہ امام بخاری اور امام مسلم کے استاد امام عبد الرزاق  رَحمۃُ اللہ عَلَیْہ نے حضرت جابِر رَضِیَ اللہ عنہ سے روایت کیا ، حضرت جابِر رَضِیَ اللہ عنہ فرماتے ہیں : میں نے رسولِ اکرم ، نورِ مُجَسَّم صَلَّی اللہ عَلَیْہِ وَ آلِہٖ وَ سَلَّم سے سوال کیا کہ اللہ پاک نے سب سے پہلے کس چیز کو پیدا فرمایا ؟ رسولِ ذیشان ، مکی مدنی سلطان صَلَّی اللہ عَلَیْہِ وَ آلِہٖ وَ سَلَّم نے فرمایا : ہُوَ نُورُ نَبِیِّکَ یَاجَابِرُ ! اے جابِر وہ تیرے نبی کا نور ہے  ( جسے اللہ پاک نے سب سے پہلے پیدا فرمایا۔ )  ^{( [1] )}

بزمِ آخر کا شمع فَروزاں ہوا                                           نُورِ اوّل کا جلوہ ہمَارا نبی ^{( [2] )}

یعنی ہے سورۂ نور جن کی گواہ                                                                          ان کی پُرنور صورت پہ لاکھوں سلام ^{( [3] )}

مولیٰ کس کے نُور نے ہمیں ڈھانپ لیا ؟

شارِح بخاری امام احمد بن محمد قسطلانی  رَحمۃُ اللہ عَلَیْہ لکھتے ہیں : اللہ پاک نے جب ہمارے نبی کریم صَلَّی اللہ عَلَیْہِ وَ آلِہٖ وَ سَلَّم کے نُور کو پیدا فرمایا تو اسے حکم دیا کہ تمام انبیائے کرام کے نُور کو دیکھو ، پھر اللہ پاک نے تمام انبیاء کے نُور کو ہمارے نبی صَلَّی اللہ عَلَیْہِ وَ آلِہٖ وَ سَلَّم کے نُور سے ڈھانپ دیا۔ انہوں نے عرض کی : مولیٰ ! کس کے نُور نے ہمیں ڈھانپ لیا ؟ اللہ پاک نے فرمایا : ہٰذَا نُورُ مُحَمَّدِ بْنِ عَبْدِ اللہ یعنی یہ مُحَمَّد بن عبد اللہ صَلَّی اللہ عَلَیْہِ وَ آلِہٖ وَ سَلَّم کانور ہے۔ ^{( [4] )}

ذَرَّہ ذَرَّہ جگمگایا ہر طرف آیا نکھار                                                   گویا ساری ہی فضا کو نُور میں نہلایا ہے

نُور والا آیا ہے ہاں ! نُور لے کر آیا ہے                     سارے عالَم میں یہ دیکھو نُور کیسا چھایا ہے