کے درخت ( Olive Trees )  تھے ، میں نے فرشتے سے پوچھا : یہ کیا ہے ؟ جواب آیا : کیا آپ انہیں نہیں جانتے ؟ یہ مُحَمَّد صَلَّی اللہ عَلَیْہِ وَ آلِہٖ وَ سَلَّم ہیں  ( اور ان کے متعلق اللہ پاک کا فرمان یہ ہے کہ وہ )  میرے نام سے دُعا کریں گے تو میں ان کی دُعا قبول کروں گا۔

عُلَمائے کرام فرماتے ہیں : اس روایت میں زیتون کے 2 درختوں سے مراد دِین  اور بادشاہی ہے جو اللہ پاک نے اپنے محبوب صَلَّی اللہ عَلَیْہِ وَ آلِہٖ وَ سَلَّم کو عطا فرما دی ہے۔  ^{( [1] )}

پیارے آقا کے پیارے اوصاف

حضرت وہب بن منبہ  رَحمۃُ اللہ عَلَیْہ فرماتے ہیں : اللہ پاک نے حضرت شَعْيَا علیہ السَّلام کی طرف وحی فرمائی : بےشک میں ایک نبی  ( صَلَّی اللہ عَلَیْہِ وَ آلِہٖ وَ سَلَّم )  کو بھیجوں گا * جو اُمِّی ہوں گے  ( یعنی دُنیا میں ان کا کوئی استاد نہ ہو گا )  * میں ان کے ذریعے بہرے کان کھول دوں گا * غافِل دلوں کو بیدار فرماؤں گا * اندھی آنکھیں روشن فرماؤں گا * ان کا مقامِ وِلادت مکہ ہے * ان کی ہجرت ( Migration )  کا مقام طیبہ ہے * ان کی بادشاہت ( Kingship )  مُلْکِ شام میں ہو گی * وہ میرے خاص بندے ہیں * متوَکِّل  ( مجھ پر بھروسہ کرنے والے )  ہیں * مصطفےٰ  ( یعنی چنے ہوئے )  ہیں * مَرْفُوع  ( یعنی بلند ذِکْر والے )  ہیں * حَبِیْب ہیں * مُتَحبَّب  ( یعنی پسند کئے گئے )  ہیں * مُخْتَار  ( یعنی اختیارات رکھنے والے )  ہیں * وہ برائی کا بدلہ بُرائی سے نہیں دیں گے بلکہ معاف فرما دیا کریں گے * مؤمنوں پر رحم کرنے والے ہوں گے *  ( ایسے نرم دِل ہوں گے کہ )  زخم لگائے گئے جانور کو دیکھ کر رویا کریں گے * بیوہ کی گود میں یتیم کو دیکھ کر آنسو بہائیں گے * سخت نہ ہوں گے * بُری باتیں کرنے والے نہ ہوں گے * نہ ہی بازاروں میں شور مچانے والے * ان کی چال میں ایسا وقار ہو گا کہ اگر چراغ