هولناڪ کوه

ياد رکو! هي بي نمازي کي قبر ۾ ملڻ وارو عذاب آهي ۽ آخرت ۾ ڇا عذاب ٿيندو، اهو به ٻڌي وٺو! سيپاري 30، سُورة الماعُون جي آيت نمبر 4 ۽ 5 ۾ ارشاد ٿئي ٿو:

فَوَیْلٌ لِّلْمُصَلِّیْنَ ۙ(۴) الَّذِیْنَ ھُمْ عَنْ صَلَاتِہِمْ سَاہُوْنَ ۙ(۵)   ترجمو ڪنزالايمان: پوءِ خرابي آهي انهن نمازين جي جيڪي پنهنجي نماز کان غافل ويٺا آهن.

مشهور مفسر مفتي احمد يارخان نعيمي رَحۡمَةُ اللهِ عَلَيۡه هن آيت جي حوالي سان فرمائن ٿا:  نماز ڪڏهن نه پڙهڻ، پابندي سان نه پڙهڻ، صحيح وقت تي نه پڙهڻ، فرضن ۽ واجبن کي صحيح طريقي سان ادا نه ڪرڻ، نماز جي پرواھ نه ڪرڻ، شوق سان نه پڙهڻ، سوچي سمجھي ادا نه ڪرڻ، سستي، بي پرواهي سان پڙهڻ . هي سڀ نماز کي ويسارڻ جون صورتون آهن.^)[1](

جهنم ۾ وڃڻ جو حڪم

منقول آهي ته قيامت جي ڏينهن هڪ شخص کي الله پاڪ جي بارگاھ ۾ بيهاريو ويندو، الله پاڪ ان کي جهنم ۾ وڃڻ جو حڪم فرمائيندو، اهو عرض ڪندو: ياالله! مونکي ڪهڙي سبب جي ڪري جهنم ۾ موڪليو پيو وڃي؟ ارشاد ٿيندو: نمازن کي ان جو وقت گذاري پڙهڻ ۽ منهنجي نالي جا ڪوڙا قسم کڻڻ جي ڪري. ^([2])