نُور کی سرکار سے پایا دوشالہ نُور کا                                                                                      ہو مُبَارک تُم کو ذُو النُّوْرَیْن جوڑا نُور کا^([1])

 * حديث شريف ۾ آهي: الله پاڪ مون کي وحي فرمائي ته مان پنهنجي ٻنهي ڌيئرن جو نڪاح عثمان سان ڪيان.^)[2]( * هڪ حديث شريف ۾ فرمايائون: جيڪڏهن منهنجون 100 ڌيئرون به هجن ها، انهن مان هڪ جي وفات ٿي وڃي ها ته مان ٻي عثمان جي نڪاح ۾ ڏئي ڇڏيان ها، ان جو انتقال ٿي وڃي ها ته مان ٽئين عثمان جي نڪاح ۾ ڏئي ڇڏيان ها، ايستائين جو مان پنهنجون 100 ئي شهزاديون هڪ هڪ ڪري عثمان جي نڪاح ۾ ڏئي ڇڏيان ها.^)[3]( * مولاءِ ڪائنات، موليٰ علي رَضِىَ اللهُ عَنْه کان حضرت عثمان غني رَضِىَ اللهُ عَنۡه جي باري ۾ سوال ٿيو ته فرمايائون: عثمان اهي آهن جو انهن کي ملائڪ ذُوالنُّوْرَیْن چوندا آهن، رسول الله صَلَّى اللّٰهُ عَلَيۡهِ واٰلِهٖ وَسَلَّمَ جا نياڻا آهن، پياري آقا، مڪي مدني مصطفيٰ
صَلَّى اللّٰهُ عَلَيۡهِ واٰلِهٖ وَسَلَّم کين جنت جي خوشخبري ڏني. ^([4])

نبی کے نور دو لے کر وہ ذُو النُّوْرَیْن کہلائے                                                    انہیں حاصِل ہوئی یوں قربتِ محبوبِ رحمانی^([5])

 * اسلام جي ٻئين خليفي حضرت عمر فاروق اعظم  رَضِىَ اللهُ عَنْه جي شهادت کان بعد مسلمانن جي ڪثرت راءِ سان حضرت عثمان غني رَضِىَ اللهُ عَنۡه خليفا مقرر ٿيا، 40 ڏينهن جي سخت محاسري(گِهيري) کان بعد 18 ذُوالحِجَّه 35ھ تي نهايت مظلوميت سان شهيد ڪيا ويا۔^([6])