ڪاش! اسان کي عاجزي نصيب ٿي وڃي، ڪاش! اسان پنهنجو پاڻ کي ڪجھ سمجهڻ ڇڏي ڏيون، ڪاش! مٿو جهڪائڻ، پنهنجو پاڻ کي بلڪل بيڪار، ڪنهن نه ڪم جو سمجهڻ ۽ پوءِ ان جي مطابق نهايت عاجزي سان زندگي گذارڻ نصيب ٿي وڃي.

عاجزي ۽ انڪساري سان رِفعت (بلندي) ملندي آهي

  هڪ حديثِ پاڪ ۾ آهي: آخري نبي، رسولِ هاشمي، مڪي مدني صَلَّى اللّٰهُ عَلَيۡهِ واٰلِهٖ وَسَلَّمَ جن فرمايو: مَا تَوَاضَعَ اَحَدٌ لِلّٰہِ اِلَّا رَفَعَہُ اللہُ جيڪو به الله پاڪ جي لاءِ عاجزي اختيار ڪندو آهي الله پاڪ ان کي بلندي عطا فرمائي ڇڏيندو آهي. ^([1])

   هڪ حديثِ پاڪ ۾ فرمايائون: اَلتَّوَاضُعُ لَا یَزِیْدُ الْعَبْدَ اِلّا رِفْعَۃً فَتَوَاضَعُوْ ا یَرْفَعَکُمُ اللہُ عاجزي ٻانهي کي صرف بلندي ئي عطا ڪندي آهي، بَس عاجزي ڪندا ڪريو! الله پاڪ توهان کي بلند رتبو عطا فرمائي ڇڏيندو. ^([2])

پنهنجو پاڻ کي ڪجھ نه سمجهو...!!

  پيارا اسلامي ڀائرو: هي جيڪا پنهنجو پاڻ کي ڪجھ سمجهڻ واري عادت آهي، هي نهايت بُري آهي، هيءَ عادت ئي آهي جيڪا اسان کي عاجزي اپنائڻ ناهي ڏيندي...!! حقيقت ۾ ڏسون ته اسان ڪجھ به نه آهيون، اسان جي حقيقت ڇا آهي؟ اسان مٽيءَ مان بڻيا آهيون، آخر ۾ ٻيهر مٽي ٿي وينداسين. بابا بُلي شاھ رَحْمَةُ اللهِ عَلَيْه لکن ٿا:

مِٹّی دَا تُوْںْ، مِٹّی ہَوْنَا، کَاہَدِی بَلّے بَلّے

اَجْ مِٹِّی دَے اُتَّے بَنْدِیا، کَل مِٹِّی دے تَھلَّے