Book Name:Dore Jahalat Ki Nishani
پھیلا دیا۔ کسی شاعر نے کیا خوب کہا:
وہ دانائے سُبُل، ختمِ رُسُل، مولائے کُل جس نے غُبارِ راہ کو بخشا فروغِ وادئ سینا
وضاحت: دانائے سُبُل: یعنی ہادِی، راستوں کو جاننے والا۔ خَتْمِ رُسُل: یعنی سب سے آخری نبی، مولائے کُل: سب کے آقا، سب کے مولا جنہوں نے غُبارِ راہ کو رَشْکِ طُور بنا دیا۔
اعلیٰ حضرت رَحمۃُ اللہِ عَلَیْہ کے بھائی جان مولانا حَسَن رضا خان رَحمۃُ اللہِ عَلَیْہ فرماتے ہیں:
کُھلیں اسلام کی آنکھیں، ہوا سارا جہاں روشن عرب کے چاند صدقے! کیا ہی کہنا تیری طلعت کا([1])
وضاحت:اے پیارے محبوب! اے عرب کے چاند صَلَّی اللہُ عَلَیْہِ وَ آلِہٖ وَ سَلَّم ! میں آپ کے صدقے جاؤں، آپ نے اِعْلانِ نبوّت تو کیا فرمایا، اِسلام کی برکت سے پُوری دُنیا روشن ہو گئی۔
صَلُّوْا عَلَی الْحَبِیْب! صَلَّی اللہُ عَلٰی مُحَمَّد
پیارے اسلامی بھائیو! معلوم ہوا؛ پیارے آقا، مکی مدنی مصطفےٰ صَلَّی اللہُ عَلَیْہِ وَ آلِہٖ وَ سَلَّم دُنیا میں تشریف ہی اس لئے لائے تاکہ لوگوں کو جاہلیت کے اندھیروں سے نکال کر اِسلام کے نُور میں لے آئیں۔ اس لئے کسی مسلمان کے اندر دورِ جاہلیت کی کوئی ایک بھی عادت موجود ہو، دورِ جاہلیت کی ہلکی سی کی جھلک بھی کسی کے کردار میں دکھائی دے، آپ صَلَّی اللہُ عَلَیْہِ وَ آلِہٖ وَ سَلَّم کو یہ بات ہر گز پسند نہیں ہے۔ اِبْنِ ماجہ شریف میں روایت ہے، حضرت عِمرَان بن حُصَین رَضِیَ اللہُ عنہ فرماتے ہیں: ایک مرتبہ ہم پیارے آقا، مکی مَدَنی مصطفےٰ صَلَّی اللہُ عَلَیْہِ وَ آلِہٖ وَ سَلَّم کے ساتھ جنازہ پڑھنے کے لئے جا رہے تھے۔اب معاملہ یُوں ہوا کہ کچھ لوگوں نے اپنی چادریں