چرته تاسو اوريدلي دي چې مالټا کومه چې د يخنۍ ميوه ده، دا ځل ليټ شوې ده، لہٰذا دا ځل به مالټا پۀ ګرمۍ کښې راځي او آم کوم چي د ګرمۍ ميوه ده، روان کال به پۀ يخنۍ کښې راځي. سټور کول بيله خبره ده، د ميوې پۀ کيدو او پخيدو کښې چرې هم نۀ ناوخته کيږي، زميدار پۀ تخم کرلو کښې د ځنډ ښکار کيدے شي، ميوې، ګلونه، سبزيانې وغيره پۀ خپل وخت باندې کيږي او پخيږي، پۀ زرګونو کلونه تير شول، د کائنات هدفونه چرې هم نۀ ليټ کيږي. دا هم د دې اتفاق او اتحاد برکت دے.

ہم آہنگی سے ہے محفل جہاں کی                                                             اسی سے ہے بہار اس بُوْستاں کی

مونږ له پکار دي چي د خپلې کاميابۍ د پاره، د خپل خوږ ملک د کاميابۍ او ترقۍ د پاره پۀ خپل مينځ کښې اتفاق او اتحاد پيدا کړو، د يو بَل سره يو ځائے اوسيږو، د جنګ جګړو نه ځان ساتو، د غيبت چغلۍ نه ځان ساتو، د بے اتفاقۍ نه ځان ساتو او ټول مسلمانان پۀ شريکه، د يو بل سره همدردي کوو او د يو بَل پۀ غم کښي شرکت کوو، پۀ غم ښادۍ کښې د يو بل ملاټر جوړيږو او يو ځائے پۀ اتفاق او اتحاد سره ژوند تيروو، اِنْ شَآءَ اللہُ الْکَرِیم! مونږ به هم ترقي کوو او زمونږه خوږ ملک به هم ترقي کوي او مخ پۀ وړاندې به ځي.

د تعلقاتو بنياد د الله پاک پۀ رضا باندې ساتئ!

خوږو او محترمو اِسلامي وروڼو! دلته چې پۀ کورونو او محلو کښې کومې جګړې کيږي، د هغې اصلي بنياد تاسو ته پته ده چې څۀ وي؟ د هغې بنيادي وجه دا ده چې زمونږ خپل مينځ کښې تعلقاتو کښې د الله پاک رضا مقصد نه وي، عام طور د ادلے بدلے نظام وي، *فلانکے ما ته دعوت راکوي، لہٰذا زۀ هم هغۀ رابلم، * فلانکے زما سره ميلاويږي، لہٰذا زۀ هم د هغۀ سره ميلاويږم، * فلانکي پۀ واده کښې مونږه رابللي وو، ځکه زۀ به يـې هم رابلم، * فلانکے زما د پلار يا نيکه جنازے له راغلے وو، ځکه به زۀ هم د هغۀ د خپلوانو جنازے له ځم، * فلانکے زما عزت کوي، زۀ به هم د