پۀ خپل مينځ کښې اختلاف بنده بزدل او کمزورے کوي

پۀ 10 سيپاره، سورۀ اَنفال، آيت: 46 کښې ارشاد دے:

وَ لَا تَنَازَعُوْا فَتَفْشَلُوْا وَ تَذْهَبَ رِیْحُكُمْ (پارہ:10، الاَنفال:46)

ترجمهٴ کنزُ العِرفان: او پۀ خپل مينځ کښې بے اتفاقي مۀ کوئ ګنې تاسو به بے زړه شئ او ستاسو قُوَّت (طاقت) به لاړ شي

يعنې اے ايمان والؤ! که تاسو پۀ خپل مينځ کښې جنګ جګړې کوئ، پۀ اختلافاتو کښې اخته کيږئ نو ستاسو شان او شوکت به ختم شي او د فتح او نُصرت د رحمت نه ډکه هوا به ستاسو پۀ لور توجه نه کوي، بيا به تاسو کاميابي حاصله نکړے شئ. ^([1])

بيل بيل اوسيدل د شيطان د اړخ نه دي

صحابئ رسول حضرت ثَعلَبَه خُشَنِي رَضِىَ اللهُ عَـنْهُ فرمائي: د خلقو عادت وو چې د سفر پۀ وخت به د دوو غرونو ترمينځه پۀ لاره يا دَره کښې پاتې کيدل نو خوريدل به (يعنې بيل بيل به کښيناستل)، پۀ دې باندې د الله پاک خوږ رسول، رسولِ مقبول صَلَّى اللهُ عَلَيْهِ وَاٰلِهٖ وَسَلَّم ووفرمائيل: بے شکه ستاسو  د دوو غرونو ترمينځه پۀ لارو او درو کښې بيل بيل پاتې کيدل د شيطان د اړخ نه دي، د دې نه پس چې به کله هم خلقو پۀ يو ځائے کښې پړاؤ کولو نو يو ځائے به پاتې کيدل. ^([2])

د قرآنِ کريم مشهور مفسر، حکيم الاُمّت مفتي احمد يار خان نعيمي رَحْمَةُ اللهِ عَلَيْه فرمائي: (بيل بيل پاتې کيدل د شيطان د اړخ نه دي ځکه چې) ستاسو داسې د خوريدو سره شيطان ته موقع ميلاويږي چې د کافرانو پۀ ذريعه پۀ تاسو باندې حمله وکړي ځکه چې هغوئي به دا ګڼي چې دا خلق بيل بيل دي پۀ دوئي ناڅاپه حمله وکړئ، دوئي به د يو بَل