اللہ پاک کے فضل و کرم،اس کے پیارے محبوب صَلَّی اللہ  عَلَیْہِ وَاٰلہٖ وَسَلَّم کی نظرِ عنایت اور اولیائے کرام کے فیضان کی برکت سے دعوتِ اسلامی ترقی کی منازل طے کرتی چلی جارہی ہے اور اس وقت اَلْحَمْدُ لِلّٰہِ80 سے زائد شعبہ جات کے ذریعے  دنیا بھر کے مختلف طبقات کے لوگو ں  کو اسلام کی اصل روح سے روشناس کروا کر  دامنِ اسلام سے وابستہ کررہی ہے۔

یہ ایک حقیقت ہے کہ دعوتِ اسلامیکے دینی کاموں کی فہرست بہت طویل ہے  لہذا ضرورت محسوس کی گئی کہ کوئی ایسا پلیٹ فارم بنایا جائے جس پر دنیا بھر میںدعوتِ اسلامی کے  تحت ہونے والے دینی کاموں کی اپڈیٹس اور خبریں  تحریری صورت میں شامل کی جائیں۔

اس مقصد کے پیشِ نظر ایک شعبے کا قیام عمل میں لایا گیا جس کا نام  بانیِ دعوتِ اسلامی مولانا محمد الیاس عطار قادری دَامَتْ بَرَکَاتُہُمُ الْعَالِیَہ نے  ”دعوتِ اسلامی کے شب و  روز“عطا فرمایا ہے۔یہ ایک ویب سائٹ ہے جس پر روزانہ کی بنیاد پر دعوتِ اسلامی کی اپ ڈیٹس اپلوڈ کی جاتی ہیں،مدنی مذاکرے کے سوالات، شعبہ جات کا تعارف اور دلچسپ موضوعات پر  مشتمل  اسلامی کالمز  بھی اس ویب سائٹ میں شامل کئے جاتے ہیں۔اگر آپ بھی دعوتِ اسلامی کے دینی کاموں سے اپڈیٹ رہنا چاہتے ہیں تو شعبہ’’دعوت اسلامی کے شب و روز ‘‘کی ویب سائٹ کا وزٹ فرماتے رہا کریں ۔ ویب سائٹ کا لنکhttps://news.dawateislami.net/