رہے! ہمارے آقا صَلَّی اللہ عَلَیْہِ وَ آلِہٖ وَ سَلَّم بے شک سب نبیوں سے افضل ہیں، مگر ” خَاتَمُ النَّبِیّٖن “ کا یہ معنیٰ کرنا کُفر ہے (کہ اس سے قرآنی لفظ کا مفہوم بدلتا ہے)۔ (4): جو کہے اس زمین پر تو نہیں مگر اَور جگہ (مثلاً ساتوں زمینوں یاساتوں آسمانوں میں کہیں) کوئی نبی آ سکتا ہے، کہنے والا   غیر مسلم ہے۔ (5): جو کہے:  ”انسانوں میں نیا نبی نہیں آسکتا، البتہ دوسری مخلوق میں اب بھی نبی آ سکتا ہے“ قائِل (کہنے والا)  غیر مسلم ہے۔

یاد رہے!”خَاتَمُ النَّبِیّٖن “ کے ایسے معنیٰ کرنے والا بھی  غیر مسلم ہے، جو اسے   غیر مسلم نہ جانے یا اس کے   غیرمسلم  ہونے میں شک کرے وہ بھی   غیر مسلم ، مرتد، اِسلام سے خارِج ہے۔^([1])

صَلُّوْا عَلَی الْحَبِیْبِ!                                               صَلَّی اللہ عَلٰی مُحَمَّد

نبوت کے جھوٹے دعویدار سے دلیل مانگناکیسا؟

حضرت ابومنصور ماتریدی  رَحمۃُ اللہ عَلَیْہ لکھتے ہیں: جو کوئی حُضُورِاکرم صَلَّی اللہ عَلَیْہِ وَ آلِہٖ وَ سَلَّم کے بعد نبوت کا جھوٹا دعویٰ کرے تو اس سے کوئی دلیل نہیں مانگی جائے گی بلکہ اس شخص کے اس دعوے کا انکار ہی کیا جائے گا^([2]) کیونکہ اللہ پاک کے پیارے پیارے نبی، رسولِ ہاشمی صَلَّی اللہ عَلَیْہِ وَ آلِہٖ وَ سَلَّم فرما چکے: لَا نَبِیَّ بَعْدِی یعنی میرے بعد کوئی نبی نہیں۔ ^([3])

سیدی اعلیٰ حضرت  رَحمۃُ اللہ عَلَیْہ کے فرمان کا خُلاصہ ہے: اگر کسی نبوت کے جھوٹے دعویدار سے اس لئے معجزہ طَلَب کیا کہ یہ چونکہ جھوٹا ہے، لہٰذا معجزہ دِکھا نہیں سکے گا،