ڪڏهن ڪڏهن ماڻهو چئي رهيا هوندا آهن ته جڏهن پياري آقا صَلَّى اللهُ عَلَيْهِ وَاٰلِهٖ وَسَلَّم جي ولادت ٿي، ڇا ان وقت به ڪنهن ميلاد ڪيو هو؟ جواب ۾ عرض آهي ته ان وقت گهڻا ماڻهو ته غير مسلمان هئا، جيڪي الله پاڪ ۽ نبي سڳورن کي مڃيندا ئي نه هئا، انهن سان اسان کي ڪو سروڪار ناهي. ها! پر اهي ماڻهو جيڪي اڳين آسماني ڪتابن کي مڃيندا هئا ۽ نبي سڳورن تي ايمان رکڻ جو دعويٰ ڪندا هئا، اهي مصطفيٰ جي ولادت واري رات ڇا ڪري رهيا هئا؟ ٻڌو!

   حضرت مالڪ بن سِنان رَضِىَ اللّٰهُ عَـنْهُ فرمائن ٿا: * مديني جي هڪ رات هئي، مان مڙئي ڪچهري جي لاءِ قبيلهءِ بنو عَبۡدُ الۡاَشۡهَل ۾ پنهنجي دوستن وٽ ويس، اتي يوشَع نالي هڪ يهودي هو، ڇا ٿو ڏسان ته ان ماڻهن کي جمع ڪيو آهي ۽ اهو چئي رهيو آهي: احمد نبي (صَلَّى اللهُ عَلَيْهِ وَاٰلِهٖ وَسَلَّم) جي آمد جو وقت ويجهو آهي، اهي مڪي ۾ تشريف آڻيندا. پوءِ ان کان بعد يوشَع پاڻ ڪريم صَلَّى اللهُ عَلَيْهِ وَاٰلِهٖ وَسَلَّم جو حُليو مُبارڪ ۽ تفصيل سان اوصاف بيان ڪيا. حضرت مالڪ بن سِنان رَضِىَ اللّٰهُ عَـنْهُ فرمائن ٿا: مان ان جون ڳالهيون ٻڌندو رهيس، تمام عجيب ڳالهيون هيون. *پوءِ مان اتان کان اٿي، پنهنجي قبيلي ۾ آيس، هتي به ڏٺم ته هڪ شخص آهي، ان ماڻهن کي گڏ ڪيو آهي، هي به اهو ئي چئي رهيو هو: احمد نبي (صَلَّى اللهُ عَلَيْهِ وَاٰلِهٖ وَسَلَّم) جي آمد جو وقت ويجهو آهي ۽ ان به پاڻ ڪريم صَلَّى اللهُ عَلَيْهِ وَاٰلِهٖ وَسَلَّم جون ڳالهيون ٻڌايون. *فرمائن ٿا: مان اتان کان اٿيس بنو قريظه ۾ هليو ويس، ڇا ٿو ڏسان: اتي به ماڻهو جمع آهن، ٻنهي جهانن جي مالڪ و مختار، مڪي مدني سلطان   صَلَّى اللهُ عَلَيْهِ وَاٰلِهٖ وَسَلَّم جي آمد جا تذڪرا ٿي رهيا آهن. انهيءَ دوران انهن مان هڪ شخص چوڻ لڳو:  ‌قَدْ ‌طَلَعَ ‌الْكَوْكَبُ ‌الْاَ حْمَرُ ‌اَلَّذِيْ ‌لَمْ ‌يَطْلُعْ اِلَّا بِخُرُوجِ نَبِيٍّ وَّظُهُورِهِ، وَلَمْ يَبْقَ اَ حَدٌ اِلَّا اَحْمَدُ، وَهَذِهِ مُهَاجَرُهُ يعني: اهو ڳاڙهو تارو جيڪو صرف ۽ صرف ڪنهن نبي جي ولادت جي وقت ئي نڪرندو آهي، اهو نڪري چڪو ۽ هاڻي نبين مان صرف احمد نبي (صَلَّى اللهُ عَلَيْهِ وَاٰلِهٖ وَسَلَّم) ئي باقي آهن،