کے لئے آخرت کی تمام نعمتیں تیار کی گئی ہیں*بےایمان، غیر مُسْلِم لوگ تو رَبّ کے نافرمان ہیں*اس کی رَحمت سے دُور*اس کے غضب کے حقدار اور ہمیشہ ہمیشہ جہنّم میں رہنے کے لائق ہیں*بلکہ سچّی بات تو یہ ہے کہ جو بےایمان ہے، غیر مُسْلِم ہے، وہ حقیقت میں انسان کہلانے کا بھی حقدار نہیں ہے، اللہ پاک قرآنِ کریم میں فرماتا ہے:

اُولٰٓىٕكَ كَالْاَنْعَامِ بَلْ هُمْ اَضَلُّؕ- (پارہ:9، الاعراف:179)

تَرْجمۂ کَنْزُالعِرْفان: یہ لوگ جانوروں کی طرح ہیں بلکہ ان سے بھی زیادہ بھٹکے ہوئے

الحمد للہ! اللہ پاک نے ہمیں ایمان کی دولت نصیب فرمائی ہے، رَبّ کریم ہمیں اس پر اِستقامت نصیب فرمائے، مَرتے دَم تک مسلمان رہنا، حالتِ ایمان ہی میں قبر میں اُترنا اور روزِ قیامت اُٹھنا نصیب فرمائے۔

مَحبّت میں اپنی گُما یاالٰہی                                                                                                        نہ پاؤں میں اپنا پتا یاالٰہی!

عبادت میں گزرے مِری زِندگانی                                               کَرم ہو کَرم یاخدا! یاالٰہی!

مسلماں ہے عطّارؔ تیری عطا سے                                                ہو ایمان پر خاتِمہ یاالٰہی!^([1])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

صِرْف اِسْلام ہی راہِ نجات ہے

پیارے اسلامی بھائیو! یہ بات اچھی طرح دِل میں بٹھا لیجئے! جب سے پیارے آقا، مکی مدنی مصطفےٰ صَلَّی اللہُ عَلَیْہِ وَ آلِہٖ وَ سَلَّم نے اِعْلانِ نبوت فرمایا، تب سے لے کر قیامت تک نجات کا رستہ صِرْف و صِرْف اِسْلام ہے، اس کے عِلاوہ ہر وہ دِین، مذہب، سوچ، نظریہ جو اسلام