الحمد للہ! دعوتِ اسلامی  15 دسمبر تک ماہِ مدنی قافلہ منا رہی ہے، ہوسکے تو آپ بھی کم از کم  3 دِن کے مدنی قافلے میں سَفَر کی نِیّت کر لیجئے! بلکہ بہتر ہو گا کہ ابھی  نِیّت لکھوا دیجئے!آئیے آپ کی ترغیب کے لئے آپ کو ایک مدنی بہا ر سناتا ہوں۔

باغ کاجھولا

حَیْدَر آبادکے ایک محلہ میں عَلاقائی دَ ورہ کی دعوت سے  متاثر ہو کر ایک ماڈَرْن (Modern)نوجوان مسجِد میں آ گیا ۔ بیان میں مَدَنی قافِلوں میں سفر کی ترغیب دلائی گئی تواس نے مدنی قافلے میں سفر کرنے کیلئے نام لکھوادیا۔ ابھی قافلے میں اُس کی روانگی میں کچھ دن باقی تھے کہ قَضائے الہٰی  سے اُس کا انتِقال ہو گیا۔ کسی اَہلِ خانہ نے مرحوم کو خواب میں اِس حالت میں دیکھا کہ وہ ایک سبز  باغ میں نہایت خوش ہے ۔ خواب دیکھنے والے نے پوچھا ، یہاں کیسے آ گئے ؟ اس نوجوان نے جواب دیا: دعوتِ اسلامی کے مدنی قافلے کے ساتھ آیا ہوں ، اللہ پاک کا بڑا کرم ہوا ہے، میری ماں سے کہہ دینا کہ وہ میرا غم نہ کرے میں یہاں بہت سکون سے ہوں ۔

لوٹنے رحمتیں   قافلے میں   چلو                                                                        سیکھنے سنتیں   قافلے میں   چلو

پاؤگے بخششیں   قافلے میں   چلو                                                                   جنّتیں   بھی ملیں، قافلے میں   چلو

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

”القرآن الکریم“ ایپلی کیشن

اے عاشقانِ رسول ! آج ٹیکنالوجی کا دور ہے۔ الحمدللہ! عاشقانِ رسول کی دینی تحریک دعوتِ اسلامی جدیدٹیکنالوجی کے ذریعے بھی عِلْمِ دین عام کرنے کی کوشش کر رہی ہے۔