یوٹیوب ( YouTube )  پر دعوتِ اسلامی کے مختلف پیجز ( Pages )  بنے ہوئے  ہیں ان کو دیکھئے ۔ اللہ پاک عمل کی توفیق عطا فرمائے۔ اٰمِیْن بِجَاہِ خَاتَمِ النَّبِیّٖنَ صلی اللہ عَلَیْہِ وَ آلِہٖ وَسَلَّم ۔   

صَلُّوا عَلَی الْحَبیب! صَلَّی اللّٰہُ عَلٰی مُحَمَّد

12 دینی کاموں میں سے ایک دینی کام : علاقائی دورہ

پیارے اسلامی بھائیو! فِکْرِ آخرت پانے ، اُخْروِی زِندگی کی تیاری کرنے ، نیکیاں کرنے اور گُنَاہوں سے بچنے کے لئے عاشقانِ رسول کی دینی تحریک دعوتِ اسلامی کے دینی ماحول سے وابستہ ہو جائیے ، اس کی برکت سے اِنْ شَآءَ اللہ الْکَرِیْم!پابندِ سُنَّت بننے ، نیکیوں کا ذوق شوق پانے اور ایمان کی حفاظت کے لئے کڑھنے کا ذِہن بنے گا۔ 12 دینی کاموں میں بھی خوب بڑھ چڑھ کر حِصَّہ لیجئے ، اِنْ شَآءَ اللہ الْکَرِیْم! دین و دُنیا کی بےشُمار بھلائیاں نصیب ہوں گی۔ 12 دینی کاموں میں سے ایک دِینی کام ہے : علاقائی دورہ ۔ اَلْحَمْدُ للّٰہ! دعوتِ اسلامی سے وابستہ عاشقانِ رسول اپنے اپنے علاقوں میں دِن اور وَقْت مُقَرَّر کر کے گلی گلی ، دُکان دُکان جاتے ، لوگوں کو نیکی کی دعوت دیتے اور اِنہیں مَسْجِد میں آنے ، نیکیاں کرنے اور قَبْر و آخرت کی تیاری کی ترغیب دیتے ہیں ، اِسی طرح مدنی قافلوں میں سَفَر کرنے والے عاشقانِ رسول بھی مدنی قافلے کے جدول  ( Schedule )  کے مُطَابِق نیکی کی دعوت دینے کی سعادت حاصل کرتے ہیں۔آپ بھی اس نیک کام میں شِرْکت کی پکی نیت کر لیجئے! آئیے! آپ کی ترغیب کے لئے ایک مدنی بہار سُناتا ہوں :

گُنَاہوں بھری زِندگی میں نیکیوں کی بہار آ گئی

فتح جنگ  ( پنجاب ، پاکستان ) کے ایک اسلامی بھائی کے بیان کا خلاصہ ہے : دعوتِ  اسلامی