مرا حشر میں ہو گا کیا یااِلٰہی!

اے عاشقانِ رسول!واقعی حقیقت یہی ہے۔یہ دُنیا ہمارا مُسْتَقِل ٹھکانا نہیں۔دُنیا آخرت کی کھیتی ہے۔یہاں ہم جو بوئیں گے ، وہی آخرت میں کاٹیں گے۔آہ! عنقریب وہ وقت بَس آنے ہی والا ہے ، جب حضرت عزرائیل   عَلَیْہِ السَّلَام تشریف لائیں گے ، ہم لاکھ چارہ جُوئی کریں ، ہاتھ پیر ماریں ، کچھ بھی کریں ، وہ ہماری رُوح قبض کر لیں گے ، آہ! پھر جلد ہمیں اندھیری قَبر میں تنہا ڈال دیا جائے گا ، نہ کوئی ساتھی ، نہ پُرسانِ حال...!! گھپ اندھیری قَبر میں قِیامت تک تنہا رہنا ہو گا ، پھر قِیامت کا وہ ہولناک منظر...!!  تانبے کی دہکتی ہوئی زمین ، آگ برساتا سُورج ، لوگ اپنے ہی پسینے میں ڈوب رہے ہوں گے ، پیاس کی شِدَّت سے زبان لٹک کر سینے پر آ رہی ہو گی ، کلیجہ مُنہ کو آ رہا ہو گا ، پھر ہمارا اَعْمَال نامہ ہمارے ہاتھ میں تھما دیا جائے گا ، سامنا قہر کا ہو گا ، آہ! اُس وَقْت سب کِیا دھرا سامنے آ جائے گا۔

 اے عاشقانِ رسول!ذرا تَصَوُّر تو باندھیئے!اُس وَقْت اَعْمَال نامہ نیکیوں سے خالی دیکھ کر کتنی حسرت ہو گی...!! رہ رہ کر خیال آ رہا ہو گا؛ ہائے! ہائے! میں نے تو زِندگی کھیلوں میں گزار دی ، آخرت کے لئے تو کچھ جمع ہی نہ کیا ، مجھے فِکْر تھی تو مال کمانے کی ، نیکیاں کمانے کی تو فرصت ہی نہ ملی ، مجھے کاریں خریدنے ،  کوٹھیاں بنانے کی تو فِکْر تھی ، جنّت میں محل بنوانے کی تو کبھی فِکْر ہی نہ کی ، آہ! سوشل میڈیا ، فیس بُک ، یوٹیوب وغیرہ پر گُنَاہوں بھرے کام کرنے کے لئے تو بہت وَقْت تھا ، نَماز و تِلاوت اور نیک اَعْمال کے لئے کبھی فُرصت ہی نہ ملی ،  آفِس جانے کے لئے تو آنکھ کھل جاتی تھی ، نَمازِ فجر کے لئے اُٹھنے کی توفیق نہیں ہوتی تھی ، آہ! زِندگی بس دُنیا کی عارِضی ، فانی ، چند روزہ مستقبل بنانے کی فِکْر ہی میں کٹ گئی ، آخرت