اے عاشقانِ رسول ! نیک اعمال اپنانے سے جہاں اور بہت سارے فضائل حاصل ہوتے ہیں ، وہیں نمازِ باجماعت کی سعادت بھی نصیب ہوتی ہے ، تکبیرِ اولیٰ کی برکتیں ملتی ہیں ، اور ذکرو عبادت کی فکر  نصیب ہوتی ہے۔مسجد میں حاضری کے ساتھ ساتھ سُنّتِ قبلیہ  کی سعادت بھی نصیب ہوتی ہے ۔ اللہ پاک پانچوں نمازیں مسجد کی پہلی صف میں تکبیرِ اولیٰ کے ساتھ ادا کرنے کی توفیق عطا فرمائے ۔اٰمِیْن بِجَاہِ خَاتَمِ النَّبِیّٖن صَلَّی اللہ عَلَیْہِ وَ آلِہٖ وَ سَلَّم

میں پانچوں نَمازیں پڑھوں باجماعت                           ہو توفیق ایسی عطا یَاالٰہی !

میں پڑھتا رہوں سنتیں ، وقت ہی پر                                ہوں        سارے        نوافِل        ادا        یَاالٰہی ! ^{( [1] )}

تکبیرِ اُوْلیٰ پانے کی فضیلت

صحابئ رسول حضرت اَنَس رَضِیَ اللہ عنہ سے روایت ہے كہ نبئ اکرم ، نورِ مُجَسَّم صلی اللہ عَلَیْہِ وَ آلِہٖ وَسَلَّم نے فرمایا : جو اللہ پاک کی رضا کے لئے 40 دن باجماعت تکبیرِ اولیٰ کے ساتھ نَماز پڑھے گا اس کے لئے  2آزادیاں لکھی جائیں گی ، ایک جہنم سے دوسری نفا ق سے۔ ^{( [2] )}  

جماعت کی مولیٰ عِنایت ہو اُلفت                                          کرم ہو پئے مُصطفےٰ جانِ رحمت

صَلُّوا عَلَی الْحَبیب !                                                صَلَّی اللہ عَلٰی مُحَمَّد

نفل روزے رکھا کرتے تھے

تذکرۃ الْاَوْلیا میں ہے : حضرت جنید بغدادی رَحمۃُ اللہ علیہ صائِمُ الدَّہر تھے یعنی سارا سال نفل روزے رکھا کرتے تھے ، البتہ کوئی مہمان آ جاتا تو روزہ نہ رکھتے اور فرمایا کرتے : مسلمان بھائیوں کی مُوافَقَت بھی روزے سے کم نہیں  ( یعنی مہمان کی مہمان