اور دوسروں کی عزّتیں اُچھالتے رہتے ہیں۔ یاد رکھئے ! غیبت ، چغلی ، بدگمانی سخت حرام اور جہنم میں لے جانے والے کام ہیں ، ان سے بچنا لازم ہے ، دوسروں سے متعلق دِل میں منفی  خیالات لانے سے بھی بچنا ہی بہتر ہے ، اللہ پاک قرآنِ کریم میں ارشاد فرماتا ہے :

اِلَّا مَنْ اَتَى اللّٰهَ بِقَلْبٍ سَلِیْمٍؕ(۸۹)   ( پارہ : 19  ، سورۂ شعراء : 89 )

ترجمہ کَنْزُ الایمان : مگر وہ جو اللہ کے حضور حاضر ہوا سلامت دل لے کر۔

قلبِ سلیم یعنی پاک صاف دِل۔یعنی  ( روزِ قیامت  ) جو قلبِ سلیم لے کر ربِّ کریم کے حضور حاضِر ہوا اس کا مال بھی کام آئے گا اور اولاد بھی۔ ^{( [1] )}   

اَفْضَل عَمَل

حضرت عبداللہ ابن عَمرو رَضِیَ اللہ عنہ فرماتے ہیں : حضورِ اکرم  ، نورِ مُجَسَّم صلی اللہ عَلَیْہِ وَ آلِہٖ وَسَلَّم سے عرض کیا گیا کہ لوگوں میں سے کون افضل ہے ؟ فرمایا : ہر مَخْمُومُ الْقَلْب اور ، سچی زبان والا۔صحابۂ کرام علیہم الرِّضْوَان نے عرض کیا کہ سچی زبان والے کو تو ہم جانتے ہیں  مَخْمُومُ الْقَلْب سے کیا مراد  ہے ؟ فرمایا : وہ ایسا ستھرا ہے جس پر نہ گناہ ہو ، نہ بغاوت  ، نہ کینہ اور نہ حسد ( Jealousy ) ۔ ^{( [2] )}  

مِرے دل سے دنیا کی چاہت مِٹا کر                                                                    کر اُلفت میں اپنی فنا یاالٰہی !

عبادت میں   گزرے مِری زندگانی                                                                           کرم    ہو   کرم    یاخدا !    یاالٰہی ! ^{( [3] )}

جنید بغدادی رَحمۃُ اللہ علیہ کی شیطان سے ملاقات

حضرت جنید بغدادی رَحمۃُ اللہ علیہ فرماتے ہیں : ایک مرتبہ میرے دِل میں ابلیس کو