په لمُونځ کښې په ناسته د قرآن تلاوت کوي د هغه د پاره په هر حرف باندې 50 نيکئ دي او څوک چې د دې نه علاوه په اودس کښې تلاوت کوي د هغه د پاره 25 نيکئ دي او څوک چې بے اودسه تلاوت کوي د هغه د پاره 10 نيکئ دي.^[1] * د قرآن تلاوت کوونکے د الله پاک د عذاب نه محفوظه وي.^[2] * قرآن لوستلو والا د دې په برکت ترقي کوي او اوچتې درجے حاصلوي.^[3]     

  (3) د شَعبَانُ المُعظَّم دريم اهم عبادت: نفلي روژې

دريم اهم عبادت کوم چې په شَعْبَانُ الْمُعَظَّم کښې په خصوصيت سره کول پکار دي: ډيرې نفلي روژې نيول دي. زمونږ خوږ آقا، مُحَمَّدِ مصطفٰے صَلَّى اللهُ عَلَيْهِ وَاٰلِهٖ وَسَلَّم به د رمضان المُبارک نه پس د ټولو نه زيات د شَعْبَانُ الْمُعَظَّم د روژو نيول خوښول. اُمُّ المُؤِمنِين حضرت عائشه صديقه، طيبه طاهره رَضِىَ اللهُ عَـنْها فرمائي: رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم ما د شعبان نه په بَله يوه مياشت کښې په ډيرو روژو نيولو نۀ وو ليدلے، هغوئي صَلَّى اللهُ عَلَيْهِ وَاٰلِهٖ وَسَلَّم به د يو څو ورځو نه علاوه د ټولې مياشتې روژې نيولې.^[4] يو ځل د هغوئي صَلَّى اللهُ عَلَيْهِ وَاٰلِهٖ وَسَلَّم په خدمت کښې پوښتنه اوشوه: د رمضان نه پس کومې روژې افضلې دي؟ اوئې فرمائيل: د رمضان د تعظيم د پاره د شعبان روژې نيول.^[5]