مسجد بنانے کے فضائِل پر 2 احادیث

  ( 1 ) : اللہ پاک کے آخری نبی ، رسولِ ہاشمی صَلَّی اللہ عَلَیْہِ وَ آلِہٖ وَ سَلَّم نے فرمایا : جو اللہ پاک کے لیے مسجد بنائے گا اللہ پاک اس کے لیے جنت میں گھر بنائے گا۔ ^{( [1] )}  ( 2 ) : رسولِ اکرم ، نُورِمُجَسَّم صَلَّی اللہ عَلَیْہِ وَ آلِہٖ وَسَلَّم نے فرمایا : کہ جس نے مسجد اس لئے بنائی تاکہ اس میں اللہ پاک کا ذکر کیا جائے تو اللہ پاک اس کے لئے جنت میں گھر بنائے گا۔ ^{( [2] )}  

کاش ! ہمیں بھی مسجد بنانے کی توفیق ملے اللہ پاک نے وُسْعت عطا فرمائی ہے تو پُوری کی پُوری مسجد بھی تعمیر کرنی چاہئے ، بڑی سعادت کی بات ہے ، اگر اتنی وُسْعت نہیں تو خیر... ! !  اللہ پاک نے جتنی توفیق بخشی ہے ، مسجد کی تعمیر و ترقی میں اُتنا ہی حِصّہ ( Share )  شامِل کر لیجئے ! مسجد کی تعمیر کے لئے ریت ، بجری ، سیمنٹ وغیرہ مہیا کر دینا ، مسجد میں ضرورتاً ٹائلیں وغیرہ لگوا دینا ، مسجد کا وُضُو خانہ بنوا دینا ، منبر بنوانا ، صفوں کا انتظام کر دینا وغیرہ یہ سب مسجد کی تعمیر و ترقی ہی کا حِصّہ ہے۔ حضرت عبداللہ بن رواحہ رَضِیَ اللہ عنہ کا ایک شعر ہے :

اَفْلَحَ مَنْ یُّعَالِجُ الْمَسَاجِدَا                                                                                       وَیَقْرَءُ الْقُرْاٰنَ قَائِمًا وَّقَاعِدًا ^{( [3] )}

ترجمہ : وہ کامیا ب ہے جو مسجد یں تعمیر کرتا ہے اور اٹھتے بیٹھتے قرآن پڑھتا ہے ۔

اے عاشقانِ رسول ! ہم نے مسجدیں بنانی بھی ہیں ، اس کے ساتھ ساتھ مسجدوں کو آباد بھی کرنا ہے ، نمازیوں کی تعداد بھی بڑھانی ہے ، خُود بھی مسجد میں دِل لگانا ہے  اور مدنی قافلوں کے ذریعے ، درس و بیان کے ذریعے ، مدرسۃ المدینہ بالغان کے ذریعے ، علاقائی