میں دِل لگتا ہے ، اس طرح مسجد میں نہیں لگتا۔ یہ ہمارا حال ہے لیکن پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کیا فرما رہے ہیں ؟ مسجد کو اپنا گھر بنا لو... ! !  

گویا ہمیں یہ تعلیم دی جا رہی ہے کہ جو تعلق ہم آج اپنے گھر کے ساتھ رکھتے ہیں ، جیسی دِل کی وابستگی گھر کے ساتھ ہے ، ایسی وابستگی مسجد کے ساتھ اپناؤ ! اللہ پاک کے نبی حضرت عیسیٰ عَلَیْہِ السَّلَام نے ایک مرتبہ اپنے حَوَّاریوں کو فرمایا : ( اے حَوَّاریو... ! !  اپنے )  گھروں کو منزل  ( یعنی عارضی قیام گاہ )  بناؤ ! اور مسجدوں کو اپنا مستقل ٹھکانہ بنا لو... ! !  ^{( [1] )}

لہٰذا کوشش کیجئے ! جب بھی فرصت ملے ، مسجد میں حاضِر ہو جائیں ، جب تک مسجد میں اعتکاف کی نیت کے ساتھ رہیں گے ، اِنْ شَآءَ اللہ الْکَرِیْم ! نیکیوں کا میٹر چلتا رہے گا ، شیطان سے بھی حفاظت ( Safety )  رہے گی کہ مسجد شیطان سے بچنے کے لئے مضبوط ترین قلعہ ( Strongest Fort )  ہے ، جب تک مسجد میں رہیں گے دُنیا کے فضول کاموں سے بھی بچت رہے گی ، مفتی احمد یار خان نعیمی  رَحمۃُ اللہ عَلَیْہ فرماتے ہیں : مسجد کی فِضا ایمان کے لئے بہت فائدے مند ( Beneficial )  ہے  ( کہ اس سے ایمان مضبوط ہوتا ہے )  ^{( [2] )}  * حضرت سعید بن مُسَیّب  رَحمۃُ اللہ عَلَیْہ فرماتے ہیں : بندہ جب تک مسجد میں رہتا ہے ، فرشتے اس کے لئے مغفرت کی دُعا کرتے رہتے ہیں۔ ^{( [3] )}  سُبْحٰنَ اللہ !

 ( 2 ) : دوسری عادَت : مسجدمیں پہلے آنا اور بعد میں جانا

اللہ والوں کی دوسری اچھی عادَت ( Good Habit )  یہ ہے کہ یہ ذی وقار حضرات