دیتا تھا ، اس کے باوُجُود آپ مسجد جانے سے نہ رُکتے ، فجر کی نماز بھی مسجد میں باجماعت پڑھا کرتے تھے۔ ^{( [1] )}

سُبْحٰنَ اللہ ! اندازہ کیجئے ! یہ کیساعظیمُ الشّان جذبہ ہے ، مسجد کے ساتھ کیسی حسین محبّت ہے۔ ہم اپنا بھی حال دیکھیں؛ہمارے سَر میں ذرا درد ہو جائے ، ذرا بُخار آئے تو مسجد کی حاضِری سے محروم ہو جاتے ہیں بلکہ کتنے تو ایسے ہوں گے جو ذرا بُخار ( Fever )  وغیرہ کے سبب نمازیں تک قضا کر ڈالتے ہوں گے ، بازار جانا  پڑ گیا ، نوکری پر ہیں ، کوئی کام یاد آ گیا تو مسجد کی حاضِری سے چھٹی کر لیتے ہیں ، نمازِ باجماعت کی صُورت میں 27 نمازوں کا جو ثواب ملتا ہے اس سے بھی محروم ہو جاتے ہیں۔ اللہ پاک ہمارے حالِ زار پر رحم فرمائے۔ کاش ! ہمیں بھی مسجد کے ساتھ گہری محبّت اور وابستگی نصیب ہو جائے۔

ہو جائیں مولا مسجدیں آباد سب کی سب                  سب کو نَمازی دے بنا یا ربِّ مصطَفٰے ! ^{( [2] )}

مسجد کے ساتھ وابستگی کے فضائل

 * پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم نے فرمایا : جو بندہ مسجد میں جا کر باجماعت نماز ادا کرتا ہے ، مسجد میں جاتے اور آتے وقت اس کے ہرہر قدم پر ایک گُنَاہ معاف ہوتا ہے اور ایک نیکی لکھی جاتی ہے ^{( [3] )}  * بُخاری و مسلم کی حدیث ہے : روزِقیامت 7  قسم کے لوگ عرشِ اِلٰہی کے سائے میں ہوں گے ، ان میں سے ایک وہ ہے جس کا دِل مسجد میں لگا رہتا ہے۔ ^{( [4] )}