یعقوب عَلَیْہِ السَّلَام نے کی آپ سَفَر پر تھے ، ایک مقام پر آرام فرمایا ، وہاں آپ پر پہلی بار وحی آئی ، لہٰذا آپ نے اسی مقام پر ایک مسجد کی بنیاد رکھی ،  ( بعد میں حضرت سلیمان عَلَیْہِ السَّلَام نے اس کی تعمیر مکمل فرمائی ) ۔  ^{( [1] )}

آپ کا گھر کونسا ہے ؟

اللہ پاک کے نبی حضرت عیسیٰ عَلَیْہِ السَّلَام وہ ہستی ہیں کہ آپ نے اپنے لئے کوئی مکان بنایا ہی نہیں تھا ، ایک مرتبہ کسی نے آپ سے پوچھا : اے اللہ پاک کے نبی عَلَیْہِ السَّلَام ! آپ کا گھر کونسا ہے ؟ فرمایا : مسجد میرا گھر ہے۔  ^{( [2] )}

سُبْحٰنَ اللہ ! یہ ہے انبیائے کرام علیہم  السَّلَام کا مبارک کردار... ! !  اس سے ہمیں پتا چلتا ہے کہ * ایک اسلامی معاشرے ( Islamic Society )  کا اَہَم ترین بلکہ بنیادی مرکز مسجد ہے * مسجد اسلام کی پہچان ہے * دِین کی علامت ہے * اور ایک مسلم معاشرے کی عزّت و وقار ( Dignity )  کا بلند ترین مِنار ہے۔

زمین کا بہترین ٹکڑا

پیارے اسلامی بھائیو ! مسجد کی اہمیت کا اندازہ اس بات سے بھی لگائیے کہ مسجد کو زمین کا سب سے بہترین حِصَّہ قرار دیا گیا ہے۔ ویسے ساری ہی زمین اللہ پاک کی ہے ، ساری زمین کا خالق ، ساتوں آسمانوں کا خالِق رَبِّ قدِیر ہی ہےمگرزمین کا وہ ٹکڑا جسے مسجد کے لئے خاص کر دیا گیا ہو ، اس حِصَّۂ زمین کی شان ہی نِرالی ( Unique )  ہے۔ صحابئ رسول حضرت انس