بےادبیاں کر رہے ہوتے ہیں ، آتے ہیں نیکیاں کمانے مگر نیکیاں گنوا کر چلے جاتے ہیں۔

مسجد کی بےادبی کی چند صُورتیں

 ( 1 ) : مسجد میں دُنیا کی باتیں کرنامثلاً * مسجد میں دُنیا کی باتیں کرنا مسجد کی سخت بےادبی ہے۔ تفسیر مَدارِک شریف میں ہے کہ رَحمت ِ عالم صَلَّی اللہ عَلَیْہِ وَ آلِہٖ وَ سَلَّم کا فرمانِ مُعَظَّم ہے : مسجد میں دُنیا کی باتیں کرنا نیکیوں کو اِس طرح کھاجاتا ہے جس طرح چوپایہ گھاس کو کھا جاتا ہے ^{( [1] )}  * سرکار دوجہان  صَلَّی اللہ عَلَیْہِ وَ آلِہٖ وَ سَلَّم کافرمانِ عبرت نشان ہے : ایک زمانہ ایسا آئے گا کہ مساجد میں دُنیا کی باتیں ہوں گی تم اُن کے ساتھ مت بیٹھو کہ اُن کو اللہ پاک سے کچھ کام نہیں ^{( [2] )}  * امام احمد رضاخان  رَحمۃُ اللہ عَلَیْہ نقل کرتے ہیں : جو مسجد میں دُنیا کی بات کرے ،  اللہ پاک  اُس کے 40 برس کے (  نیک )  اعمال اکارت ( یعنی برباد )  فرمادے۔ ^{( [3] )}

 ( 2 ) : مسجد میں ہنسنا * اسی طرح مسجد میں ہنسنا بھی احترامِ مسجد کے خِلاف ہے مگر لوگ مسجد میں اونچی اونچی قہقہے لگا رہے ہوتے ہیں۔ حدیثِ پاک میں ہے : سرکارِ عالی وقار ، مدینے کے تاجدار صَلَّی اللہ عَلَیْہِ وَ آلِہٖ وَ سَلَّم نے اِرشاد فرمایا : مسجد میں ہنسنا قبر میں اندھیرا  ( لاتا )  ہے۔ ^{( [4] )} اللہ اکبر ! جب مسجد میں ہنسنے کا یہ حال ہے تو وہاں قَہْقَہَہ لگانے کا کیا وَبال ہوگا ؟ ہاں مسجد میں ضرورتاً مسکرانا منع نہیں ہے ، مسکرانے کی تعریف یہ ہے : کہ اِس طرح ہنسناکہ آواز نہ خود کو سنائی دے نہ ساتھ والے کو۔ ^{( [5] )} ہنسنے کی تعریف یہ ہے : کہ اِتنی