فرمایا کرتے کہ*قرآنِ کریم  کی تِلاوت جتنی ممکن ہو، روزانہ اپنے اُوپر لازِم کر لو! *اور دُرود شریف تو ہر مسلمان کو مَحْبُوب اور مؤمن کے اِیْمان کی جان ہے، ہر وقت دُرود و سلام عرض کرتے رہو! *اور دلائِلُ الخیرات شریف سے جس قدر ہو سکے روزانہ پڑھ لیا کرو! ^([1])

دَلائِلُ الخیرات شریف دُرودِ پاک کی بہت ہی پیاری کتاب ہے، اس میں بہت سارے دُرودِ پاک لکھے ہوئے ہیں، پیارے آقا، مکی مَدَنی مصطفےٰ صَلَّی اللہُ عَلَیْہِ وَ آلِہٖ وَ سَلَّم کی بارگاہ میں مَقْبُول ہے، اسے پڑھنے کی بہت برکتیں ہیں۔شجرہ عالیہ،قادریہ،رضویہ، عطّاریہ کے اَوْراد میں بھی دلائلُ الخیرات کا روزانہ کا وظیفہ شامِل ہے۔ کوشش فرما کر روزانہ دلائلُ الخیرات کا وظیفہ پڑھنے کی عادَت بنائیے! اِنْ شَآءَ اللہُ الْکَرِیْم! بہت برکتیں نصیب ہوں گی۔ اللہ پاک ہمیں اس کی توفیق نصیب فرمائے۔ اٰمِیْن بِجَاہِ  خَاتَمِ النَّبِیّٖن صَلَّی اللہُ عَلَیْہِ وَ آلِہٖ وَ سَلَّم

زبان و قَلب کی عظمت،  دُرودِ پاک سے ہے             ہر ایک غم میں حفاظت، دُرودِ پاک سے ہے

دُعائیں ہوتی ہیں مَقْبُول،  اس وسیلے سے                 خُدا کی خاص عنایت، دُرودِ پاک سے ہے

خُدا کے بعد مُحَمَّد کا نام لیتے رہو                                                     ہر ایک کام میں برکت، دُرودِ پاک سے ہے

دُرودِ پاک ہی خَاکِیؔ کا کل اَثاثہ ہے                                                  یہ ساری دولت و ثروت، دُرودِ پاک سے ہے

صَلُّوْا عَلَی الْحَبیب!                  صَلَّی اللّٰہُ عَلٰی مُحَمَّد

بیان سننے کی نیتیں

حدیثِ پاک میں ہے:اِنَّمَا الْاَعْمَالُ بِالنِّیَّات اعمال کا دار و مدار نیّتوں پر ہے۔^([2])

اے عاشقان ِ رسول! اچھّی اچھّی نیّتوں سے عمل کا ثواب بڑھ جاتا ہے۔ آئیے! بیان سننے