علّامہ منَاوِی رَحمۃُ اللہِ عَلَیْہ اس حدیثِ پاک کی شرح میں فرماتے ہیں:  غیبت سننے والا بھی غیبت کرنے والوں میں سے ایک ہوتا ہے۔^([1])

غیبت میں شریک ہونے کے مختلف انداز

افسوس! جیسے ہمارے ہاں غیبت عام ہے، یونہی غیبت سننے والوں اور اس میں شریک ہو کر گنہگار ہونے والوں کی بھی کمی نہیں ہے*غیبت سُن کر خوش ہونا*قہقہے لگانا*اس طرف تَوَجّہ سے کان  لگانا*دلچسپی سے سننا*دلچسپی کے ساتھ ہاں، ہُوں وغیرہ آوازیں نکالنا  وغیرہ ہمارے ہاں عام ہے، اس سے غیبت کرنے والے کو حوصلہ ملتا ہے اور وہ مزید بڑھ چڑھ کر غیبت کرتا ہے۔ امام محمد غزالی رَحمۃُ اللہِ عَلَیْہ نے لکھا ہے: غیبت کے گُنَاہ میں یُوں شریک ہونا بھی غیبت ہے،  یہ بھی ایسے ہی گُنَاہ ہے جیسے خُود غیبت کرنا گُنَاہ ہے۔^([2])

پیارے اسلامی بھائیو!غیبت اور اس  کے مختلف احکام جاننے کے لئے امیرِاہلسنت مولانا محمد الیاس عطارقادری دَامَتْ بَرَکَاتُہُمُ  الْعَالِیَہکی بہت ہی پیاری کتاب غیبت کی تباہ کاریاں  مکتبۃ المدینہ  سے حاصل کیجئے یا دعوتِ اسلامی کی ویب سائٹwww.dawat e islami.netسے ڈاؤن لوڈ فرمائیے، خود بھی مطالعہ کیجئے اور دوسروں  کو بھی اس کی ترغیب دلائیے۔ اللہ پاک ہمیں غیبت کے گناہ سے محفوظ فرمائے۔ اٰمِیْن بِجَاہِ خَاتَمِ النَّبِیّٖن صَلَّی اللہُ عَلَیْہِ وَ آلِہٖ وَ سَلَّم  

تو غیبت  کی  عادت چھڑا  یاالہٰی!                                                                   بُری  بیٹھکوں  سے  بچا  یاالہٰی!

    ہو بیزار  دل تہمتوں  چغلیوں سے                                                      مجھے   نیک   بندہ   بنا   یاالہٰی!

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد