Book Name:Farooq e Azam ki Ajziyan
دِینی مَعْلومات تو شاید ہی کسی کو آتی ہوں۔
ایک پتے کی بات عرض کروں؟ ان سب باطنی بیماریوں کی اِبْتدا خیالات سے ہوتی ہے۔ مثلاً *خُود پسندی ایک باطنی بیماری ہے، شُرُوع شُرُوع میں ہمیں صِرْف خیالات آتے ہیں، دِل ہی دِل میں سوچ اُبھرتی ہے کہ میں تو اتنا اچھا ہوں، میں یہ بھی کرتا ہوں، وہ بھی کرتا ہوں، میرے اندر یہ بھی خُوبی ہے، وہ بھی خُوبی ہے، پِھر آہستہ آہستہ یہ خیالات دِل میں جگہ بنانے لگتے ہیں، پِھر رفتہ رفتہ یہی خیالات خُود پسندی کا مرض بن جاتے ہیں *اسی طرح تکبّر ہے*حُبّ جاہ (یعنی مقام و مرتبے کی خواہش) ہے*تعریف کی خواہش ہے*حِرْص *لمبی اُمِّید وغیرہ بیماریاں ہیں، ان سب کی ابتدا خیالات سے ہوتی ہے، پِھر یہ مرض کی صُورت اختیار کر جاتی ہیں۔ حضرت فارُوقِ اعظم رَضِیَ اللہُ عنہ کے عِلْم کا کمال دیکھئے...!! آپ کے دِل میں یہ خیال آنا بیماری نہیں تھی، یہ جُرْم نہیں تھا، یہ گُنَاہ نہیں تھا مگر آپ نفس کی چالوں سے پُوری طرح واقِف تھے، آپ نے نفس کی اس چال کو جڑ ہی سے پکڑ لیا اور اس کا خاتمہ کر دیا۔
اللہ پاک ہمارے حال پر بھی رَحم فرمائے، کاش! ہمیں بھی باطنی بیماریوں سے، نفس کی چالوں سے بچنا نصیب ہو جائے۔
سرہے خَم ہاتھ میرا اُٹھا ہے یاخدا تجھ سے میری دُعا ہے
فَضل کی رحم کی اِلتِجا ہے یاخدا تجھ سے میری دُعا ہے
حُبِّ دُنیا میں دل پھنس گیا ہے نَفسِ بدکار حاوِی ہوا ہے
ہائے شیطاں بھی پیچھے پڑا ہے یاخدا تجھ سے میری دُعا ہے([1])