میں چاہتا ہوں کہ بالکل ویسے ہی اَعْمَال میرے اَعْمَال نامے میں بھی دَرْج ہوں۔

بہارِ باغِ ایماں، حضرت فاروقِ اعظم ہیں         چراغِ بزمِ عرفاں، حضرت فاروقِ اعظم ہیں 

نمایاں آپ کی ہر اِک ادا سے شانِ فاروقی        خدا کی تیغِ بُرَّاں ، حضرت فاروقِ اعظم ہیں ^([1])

وضاحت:باغِ ایمان کی بہار اور معرفت کی محفل کا چراغ حضرت عمر فاروقِ اعظم رَضِیَ اللہُ عنہکی ذات والا صفات ہے، آپ کی ہر ہر ادا سے حق و باطل میں فرق کرنے کی صفت جھلکتی ہے ، یوں کہئے کہ آپ کی ذات اللہ پاک کی تیز دھار والی تلوار کی مانند ہے

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

فاروقِ اعظم  رَضِیَ  اللہُ عنہ کا مختصر تعارف

پیارے اسلامی بھائیو! حضرت فارُوقِ اعظم رَضِیَ  اللہُ عنہ صحابئ رسول بلکہ مُرادِ رَسُول ہیں، رسولِ اکرم، نُورِ مُجَّسم صَلَّی اللہُ عَلَیْہِ وَ آلِہٖ وَ سَلَّم نے انہیں اللہ پاک سے مانگ کر لیا یعنی آپ صَلَّی اللہُ عَلَیْہِ وَ آلِہٖ وَ سَلَّم نے دُعا فرمائی، جس کے نتیجے میں حضرت عمر رَضِیَ  اللہُ عنہ نے اسلام قبول کیا ۔

رسول اللہ نے فاروق کو اللہ سے مانگا                                                        عطاءِ رَبِّ سُبْحَاں، حضرتِ فاروق اعظم ہیں

چُنا اس پاک نے دِیں کے لئے اس پاک ستھرے کو حبیبِ دِین داراں، حضرتِ فاروق اعظم ہیں ^([2])

*حضرت عمر رَضِیَ  اللہُ عنہ کے اسلام قبول کرنے سے اسلام کی عزت اور غلبے میں اِضافہ ہوا، مسلمانوں کو حوصلہ ملا *حضرت عمر رَضِیَ  اللہُ عنہ کے قبولِ اسلام کے بعد ہی مسلمانوں نے حرمِ پاک میں اعلانیہ نماز ادا کی *پیارے آقا، مکی مَدَنی مصطفےٰ صَلَّی اللہُ عَلَیْہِ وَ آلِہٖ وَ سَلَّم نے حضرت عمر رَضِیَ  اللہُ عنہ کو اپنا وزیر فرمایا*آپ اللہ پاک کے پیارے ہیں