میں خُود تکلیف برداشت کرے اور اپنے آرام کو رفیق کے آرام پر قُربان کر دے۔^([1])

اے عاشقانِ رسول!   ایک دُوسرے کے لئے آگے بڑھ کر قُربانیاں دینے کی عادَت بنائیے! دُوسروں کو راحت پہنچانے کا ذہن بنائیے، جب ہم اپنے مُسلمان بھائیوں کے ساتھ ایسے مخلص ہو جائیں گے، اِن کی خاطِر قُربانیاں دینے کا ذہن بنا لیں گے تو اِنْ شَآءَ اللہُ الْکَرِیْم! آپس میں محبّت  بڑھے گی، مَسائِل حَل ہوں گے اور اللہ پاک نے چاہا تو باہمی اِخْتلافات کا خاتمہ ہو جائے گا۔

جذبۂ اِیثار دِل میں ہو اگر                                                                                                     مسئلوں کا حل نکلتا جائے گا

ایک شاعِر کہتا ہے:

غلط فہمی کی سرحد پار کر کے                                                                                مِٹا دو فاصلے اِیثار کر کے

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

(4): خیر خواہ بنیئے...!

 اے عاشقانِ رسول!   آپس میں ہم آہنگی پیدا کرنے کیلئے ہمیشہ دوسروں کے خیر خواہ رہئے، ہر ایک کا بھلا سوچئے،  کبھی بھی خُودغَرض مت بنیئے۔ دیکھئے! دُنیا کی واحد ہستی جنہوں نے لاکھوں، کروڑوں بلکہ اَربوں اِنسانوں کو ہم آہنگ کیا، یعنی ہمارے آقا و مولیٰ، مدینے والے مصطفےٰ صَلَّی اللہ عَلَیْہِ وَ آلِہٖ وَسَلَّم، اللہ پاک آپ کے اعلیٰ اَوْصاف بیان کرتے ہوئے فرماتا ہے:

عَزِیْزٌ عَلَیْهِ مَا عَنِتُّمْ حَرِیْصٌ عَلَیْكُمْ بِالْمُؤْمِنِیْنَ رَءُوْفٌ رَّحِیْمٌ(۱۲۸) (پارہ:11،التوبہ:128)

تَرْجمۂ کَنْزُالعِرْفان: جن پر تمہارا مشقت میں پڑنا بہت بھاری گزرتا ہے، وہ تمہاری بھلائی کے نہایت چاہنے والے، مسلمانوں پر بہت مہربان، رحمت فرمانے والے ہیں۔