پاک ہمیں  عمل کی توفیق عطا فرمائے۔ اٰمِیْن بِجَاہِ خَاتَمِ النَّبِیّٖن صَلَّی اللہُ عَلَیْہِ وَ آلِہٖ وَ سَلَّم

یہ بھی اپنی جگہ ریاضت ہے                                                                                خدمتِ خلق بھی عبادت ہے

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

12 دینی کاموں میں سے ایک دینی کام:مدرسۃُ المدینہ بالغان

پیارے اسلامی بھائیو! اِتِّفاق و اتحاد کی فضا بنانے، آپسی محبتیں بڑھانے، دوسروں کے کام آنے کا جذبہ پانے  کے لئے عاشقانِ رسول کی دینی تحریک دعوتِ اسلامی کے ساتھ ہر دم وابستہ رہئے! 12 دینی کاموں بڑھ چڑھ کر حصہ لیجئے! اِنْ شَآءَ اللہُ الْکَرِیْم!دین و دنیا کی برکتیں حاصل ہوں گی۔12دینی کاموں میں سے ایک دینی کام:مدرسۃ ُالمدینہ بالغان بھی ہے ۔

*حدیثِ پاک میں ہے: تم میں بہتر وہ ہے جو قرآن سیکھے اور سکھائے^([1])*قرآنِ کریم اللہ پاک کی کتاب ہے *بندوں کے نام رَبِّ کریم کا پیغام ہے *مگر افسوس! آج مسلمان قرآنِ کریم سے بہت دُور ہوتے جا رہے ہیں *بہت لوگوں کو اُوپر دیکھ کر بھی دُرست قرآنِ کریم  پڑھنا نہیں آتا *جو پڑھ لیتے ہیں وہ بھی تَجْوِید اور مخارج کی ایسی غلطیاں کرتے ہیں، جن کے سبب نماز ہی نہیں ہوتی۔

 *الحمد للہ! مدرسۃ ُالمدینہ بالغان میں صرف قرآنِ کریم  ہی نہیں پڑھایا جاتا بلکہ  *فرض عُلوم*نماز کے اَحکام *مختلف دعائیں *سنتیں اور آداب *درس و بیان کا طریقہ  *اور مسائل سکھانے کے کے ساتھ ساتھ خوفِ خدا و عشقِ رسول کا پیکر بنانے کی کوشش بھی کی جاتی ہے۔ آئیے آپ کی ترغیب کے لئے ایک مدنی بہار سناتا ہوں۔